Nthanthi 25:2 - Tonga Bible 1986

² Mbunkhankhu waku Chiuta kubisa vinthu, kweni unkhankhu wa ŵakaronga nkhupenja kubowozga vinthu.

Nthanthi 25:2 Iomraidhean Croise

2 Samuele 1:5

Ndipo Davidi wangunena ndi munyamata yo wamukambiyanga makani yagha, “Uziŵa uli kuti Sauli ndi mwana wake Jonafani ŵafwa?”

2 Samuele 14:19

Karonga wanguti, “Kumbi janja laku Yoabu le nawe paku chose ichi?” Munthukazi wangwamuka wanguti, “Ndarapa umoyo winu, mbuyangu karonga, pa ku chose cho karonga wakamba, palivi yumoza wakuti wang'anamukiye ku janja la marghe pamwenga ku lamaze. Ndi mteŵeti winu Yoabu yo wangundipempha; ndiyo wanguŵika mazu ghose yagha mu mlomo wa mteŵeti munthukazi.

Ezra 4:15

Sono lisandike buku la makani ghakale gha ŵambuyamwe. Mu buku la makani musaniyenge ndi kuwamo nadi kuti muzi uwu ngwachigaruka, wachitiya uheni ŵakaronga ndi vyaru, ndi kuti chigaruka chikuyuskikamo ndi kale. Chifukwa ichi ungupasulika.

Ezra 4:19

Ndingulangula, ndipo kupenjapenja kunguchitika. Kwasanirika kuti muzi wo kale unguyukiya ŵakaronga, ndi kuti chigaruka ndi chiyaghaya vinguchitika mwenimo.

Ezra 5:17

Viyo asani kungamuŵiyani kwamampha karonga wapenje mu vyakulembapo vyose vya karonga mu Babiloni. Kuwoneke pamwenga dangu lingumikika ndi karonga Sirusi kuti yizengeke nyumba iyi yaku Chiuta ku Yerusalemu. Ndipo Karonga watitumiye mazu kutinene cho karonga wakamba kuti chichitike pa mlando uwu.”

Ezra 6:1

Ndipo Dariusi wangukamba, ndipo mu vyaru vyose vyaku Babiloni ŵangusanda mu zinyumba mo ŵakalata ŵasungikanga.

Jobu 29:16

Ndenga wiske wa ŵakavu, ndingupenjapenja mrandu waku yo ndengavi kumziŵa.

Jobu 38:4

“Kumbi wenga pani penipo ndinguŵika chiŵanja cha charu? Undinene, asani wendi vinjeru.

Jobu 40:2

“Kumbi wakusaniya chifukwa wakapindananga ndi Wanthazi zose? Yo wasuskana ndi Chiuta, wamuke.”

Jobu 42:3

‘Ndiyani uyu wambura zeru, wabisafundu?’ Chifukwa ichi ndakamba vyo ndengavi kuviziŵa umampha, vinthu vyakuziziswa ukongwa kwaku ine, vyo ndengavi kuviziŵa.

Nthanthi 25:27

Kuti nkhwamampha cha kurgha uchi unandi, viyo ulekenge kukamba mazu ghakurumba.

Nthanthi 25:3

Mo kuchanya kukulengeke utali, charu chapasi ncha ndimba, viyo muwongo wa ŵakaronga ngwambura mapenjeka.

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Marangu 29:29

“Vinthu vyaku ubende vya Ambuya Chiuta widu; kweni vinthu vyo vyavumbulika vidu ndi vya ŵana ŵidu muyaya, aling kuti tichitenge mazu ghose gha dangu ili.