Nthanthi 24:12 - Tonga Bible 1986

¹² Asani utiti, “Ehe tengavi kuchiziŵa ichi,” kumbi mweniyo wapima mtima, kuti watichiziŵa cha chenichi? Kumbi mweniyo wasunga mzimu wako kuti watichiziŵa cha chenichi, ndipo kumbi iyo kuti wakalipilanga munthu kwakuyana ndi nchitu yake cha?

Nthanthi 24:12 Iomraidhean Croise

Jobu 34:11

Chifukwa wamuwezgiyenge munthu kwakuyana ndi nchitu yake, ndi wakamuchitiyanga munthu kwakuyana ndi kayendero kake.

Sumu 121:3

Iwo kuti azomerezgenge rundi lako kusukunika cha, iwo akukusunga iwe kuti akasiwanga cha.

Sumu 121:8

Ambuya akuvikiriyenge uchituwa ndiuchisere, kutuwa kunu ku sono mpaka ku muyaya.

Sumu 17:3

Asani imwe mungayesa mtima wangu, asani mungachezga nane ndi usiku, asani mungandipima, kuti mukasaniyangamo uheni cha mwaku ine; mlomo wangu kuti ulakwa cha.

Sumu 44:21

asi mphanyi Chiuta wachibowozga ichi? Pakuti waziŵa vyakubisika vya mtima.

Sumu 62:12

ndi kuti kwaku imwe, Ambuya, kwe chanju chikuru. Chifukwa imwe musuzula munthu kwakulingana ndi nchitu zake.

Sumu 66:9

Watisunga ifwe mukati mu ŵamoyo, ndipo kuti watizomerezga kuwa cha.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Sumu 94:9

Chiuta ndiyo wakulenga makutu ghidu, kumbi kuti wangavwa cha? Ndiyo wakulenga maso, kumbi kuti wangalereska cha?

Nthanthi 12:14

Kutuwa ku chipasi cha mazu ghake munthu wakhorweskeka ndi umampha, ndipo nchitu ya janja la munthu yiwere ku mweneko.

Nthanthi 16:2

Nthowa zose za munthu zakutowa mu maso gha mweneko; kweni Ambuya wapima mzimu.

Nthanthi 21:2

Nthowa yose ya munthu njamampha mu maso gha mweneko, kweni Ambuya ŵapima mtima.

Nthanthi 5:21

Pakuti nthowa za munthu ze paurongo pa maso gha Ambuya, ndipo iwo ŵateska nthowa zake zose.

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Chitenje 3:36

kunyongolo mlando wa munthu, Ambuya kuti azomerezga cha.

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Machitidu gha Ŵakutumika 17:28

Chifukwa, ‘Mwaku iyo tijariya ŵamoyo, ndi titenda, ndi tiripo,’ mo so ŵanyake ŵakwata sumu ŵaku imwe ŵakambiya, ‘Chifukwa te mbumba yake.’

ŴaRoma 2:16

mu zuŵa lenilo Chiuta wamkweruzgiya mwaku Yesu Kristu vibisibisi vya ŵanthu, kwakulingana ndi evangeli wangu.

ŴaRoma 2:6

mweniyo wawerezgiyenge kwaku yose kwakulingana ndi nchitu zake.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Chivumbuzi 22:12

“Awonani, nthuza ruŵi; ndipo mphotu yangu nde nayo pamoza nane, kumpaska yose uli ndimo yiriri nchitu yake.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

1 Samuele 2:3

Rekani kurongoro kwakujikuzga, kujirumba kureke kutuwa mu mlomo winu; pakuti Ambuya ndi Chiuta wa vinjeru, ndipo ndi iyo nchitu zose zipimika pa mweso.

1 Samuele 2:6

Ambuya abaya ndi kutore ku umoyo; aserezga pasi ku muunda, ndi kuyuska so.

1 Samuele 25:29

Asani ŵanthu ŵasokenge kurondo ndi kupenja umoyo winu, umoyo wa mbuyangu umangikenge mu mtolo wa ŵamoyo mukuphwerereka ndi Ambuya Chiuta winu; ndipo maumoyo gha ŵarwani ŵinu aghapong'enge ku bwalo ulaka ghatuwa mu chakupong'e mya.