Nthanthi 23:5 - Tonga Bible 1986

⁵ Maso ghako ghachilereska paku cho, mbwenu charuta, pakuti ruŵiruŵi chitijitole mapapa, kuphululuka uli ndi nombo kulata kuchanya.

Nthanthi 23:5 Iomraidhean Croise

Chiyambo 42:36

Ndipo Yakobe uskeu wanguti kwaku wo, “Mwandipaska chitima pa ŵana ŵangu: Yosefe wakufwa, ndipo Simeoni wafwa, ndipo sono munkhumba kuto Benjamini; vyose ivi vyaza pangu.”

Jobu 27:19

Wagona pa chita wakusambasa, kweni kuti wakaŵanga viyo cha nyengo yose, pakujura maso ghake wawona kuti usambasi waruta.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Nthanthi 27:24

pakuti uromba kuti ujaliliya muyaya cha; ndipo kumbi chilemba cha ufumu chilutikiya ku migonezi yose?

Wakutaula 1:2

Chawaka vyawaka, watiti Wakutaula, chawaka vyawaka! Chose nchawaka.

Wakutaula 12:8

Nchaŵaka, vyaŵaka watiti wakutaula chose nchaŵaka.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yeremiya 39:12

“Mumuto, mumuphwere umampha ndi mungamuchitiya kaheni cha, kweni muchitenge nayo uli ndimo wakukambiyeninge.”

Mateyu 6:19

“Mungajiŵikiya mbiku panupasi cha, penipo nyenji ndi murozu vitananga, ndi penipo ŵankhungu ŵabukutuwa ndipo ŵatuba.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

1 Yohane 2:16

Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.