Nthanthi 22:4 - Tonga Bible 1986

⁴ Mphoto ya kujiyuyuwa ndi kopa Ambuya mbusambasi ndi ulemu ndi umoyo.

Nthanthi 22:4 Iomraidhean Croise

Nthanthi 19:23

Kopa Ambuya kurongozge ku umoyo, ndipo mweniyo we nako waja ndi kukhorwa, kuti urwani ukamuziyanga cha.

Nthanthi 21:20

Usambasi wakuzirwa ujaliliya mo waja munthu wazeru, kweni munthu wakupusa watuwuparghang'a.

Nthanthi 21:21

Mweniyo wandondoloska urunji ndi wezi wasaniyenge umoyo ndi ulemu.

Nthanthi 22:3

Munthu wakuphwere wawona urwani ndipo wabisama; kweni munthu wauliuli wakiyakiya, ndipo wakomwiyapo.

Nthanthi 22:5

Minga ndi viŵana vyemu nthowa yaŵakupuruska; mweniyo watijiphwere wakajanga kutali nawo.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 3:16

Umoyo utali we ku janja lake la marghe; ku jenja la maze kwe vyuma ndi ulemu.

Nthanthi 31:30

Mayera ghanyenga, ndipo kutowa nako nchawaka, kweni munthukazi wakopa Ambuya warumbikenge.

Yesaya 33:6

ndipo akaŵanga mzati pa nyengo zinu; akuzara utaski, zeru, ndi kuziŵa; kopa Ambuya ndicho chuma chake.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Danyele 4:36

Pa nyengo yeniyo vinjeru vyangu vinguweremu chifukwa unkhankhu wa ufumu wangu mazaza ndi ukuru vinguweriyamu. Ŵara ŵa upu wangu ndi nduna zangu ŵangundipenja penipo ŵangujalikika mu ufumu wangu, ndi mazaza ghangukuskikiyako kwaku ine.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

Yakobe 4:10

Mujichefye paurongo pa Ambuya, ndipo wamkuzgeninge.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”