Nthanthi 21:16 - Tonga Bible 1986

¹⁶ Munthu yo wayingayinga kubwalo kwa nthowa ya kuwamo wakapumuliyanga mu mpingu wa ŵakufwa.

Nthanthi 21:16 Iomraidhean Croise

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Sumu 49:14

Nge ndi mberere ŵatemeke ku muunda; nyifwa yikaŵanga mliska wawo; ŵaruta ŵasikiya ku muunda, ndipo kawonekero kawo kakamaranga, muunda ukaŵanga muzi wawo.

Nthanthi 11:19

Mweniyo wakoreska mu urunji wakajanga wamoyo, kweni mweniyo wachimbiriya uheni wakafwanga.

Nthanthi 13:20

Mweniyo watenda pamoza ndi ŵanthu ŵazeru, wasanduka kuŵa wa zeru, kweni wakukwatikana ndi wakupusa wakapotekekanga.

Nthanthi 19:16

Mweniyo wasunga dangu wasunga umoyo wake, mweniyo wayeya mazu wakafwanga.

Nthanthi 2:13

ŵeniwo ŵajowo nthowa za kunyoroka kwachenda mu nthowa za mdima,

Nthanthi 5:23

Watufwa chifukwa chakuwulavi kuvwiya dangu, ndipo chifukwa cha kupusa kwake kukuru wasoŵa.

Nthanthi 9:18

Kweni iyo kuti waziŵa cha kuti ŵakufwa ŵe mwenimuwa, kuti ŵalendo ŵake ŵemu ndimba za muunda.

Ezekiele 18:24

Kweni asani murunji watuwako ku urunji wake ndi kuchita mphurupuru wachita vyaunyakazi vyo munthu muheni wachita, kumbi wakaŵanga ndi umoyo? Palivi chimoza cha vyaurunji vyo wanguchita chikakumbukikanga; chifukwa cha kunanga ko wananga ndi uheni wo wachita, wakafwanga.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

ŴaEfeso 2:1

Imwe namwe mwenga ŵakufwa mu mamphuru ndi maulakwi,

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;