Nthanthi 21:1 - Tonga Bible 1986

¹ Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Nthanthi 21:1 Iomraidhean Croise

2 ŴaKaronga 19:33

Mu nthowa yo wanguziyamo, ndimu so wakaweriyanga, ndipo kuti wakaserenga mu msumba uwu cha, atiti Ambuya.

Ezra 1:1

Mu chirimika chakudanga chaku Sirusi karonga waku Perese, Ambuya angutuma Sirusi karonga waku Perese kuti wawandiske uthenga mu ufumu wake wose ndi kuti waulembe, mwakuti mazu gha Ambuya gho Yeremiya wangunena ghafiskike.

Ezra 1:2

“Viyo wanguti, Ine Sirusi karonga waku Perese ndititi, Maufumu ghose ghamu charu chapasi Ambuya Chiuta wa kuchanya wakundipaska. Sono wandinene kuti ndimuzenge nyumba mu Yerusalemu waku Yuda.

Ezra 6:22

Ŵanguchita ndi chimwemwe dghera la chiŵande chambura mtupu mazuŵa ghakhonde ndi ghaŵi chifukwa Chiuta wanguŵakondweska ndi wangung'anamuriya mtima wa karonga wa Asiriya kuchiri kwawo, kukhomeska manja ghawo mu nchitu ya nyumba yaku Chiuta, Chiuta waku Yisraele.

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Nehemiya 2:4

Sono karonga wanguti kwangu, “Cho upempha nchine?” Viyo ndingupempha kwaku Chiuta wakuchanya.

Nehemiya 2:8

ndi kalata kwaku Asafi msungi wa lusuwa la miti la karonga kuti wakandipaske miti yakuchitiya mphanjizgu za malikomo gha linga la kasopi ndi za nyumba yo ndamujamo.” Ndipo karonga wangundipaska vyenivyo ndingupempha pakuti janja lawezi laku Chiuta wangu lenga paku ine.

Estere 2:17

ndipo karonga wangumwanja Estere kuruska ŵanthukazi wose, ndipo wangusaniya wezi ndi ulemu mu maso ghake kuruska ŵanyake, viyo wangumvwarika mphumphu ya ufumukazi pa mutu wake ndi kumuŵika fumukazi mu malo ghaku Vashite.

Sumu 105:25

Anguchitiska ŵaEgipiti ŵatinkhenge ŵanthu ŵawo, ndi kuchitiya ukazuzi ŵateŵeti ŵawo.

Sumu 106:46

Angupaska mtima wa chitima kwaku wo ŵanguwako umkoli.

Sumu 114:3

Nyanja yinguwona ndi yinguthaŵa, msinji wa Yordane unguleka kwenda.

Sumu 114:5

Kwati iwe, wa nyanja, po uthaŵa? Wa Yordane, wamiyanji kwambura kwenda?

Sumu 74:15

Imwe mungupaska maji kudika mu visima ndi msinji, mungukamuska misinji yakutandara.

Sumu 93:4

Ambuya ausa, apachanya mu machanya, mbakuru kuruska kuwuruma kwa nyanja, mbanthazi weniukongwa kuruska mayigha gha nyanja.

Chituwa 7:3

Kweni ndamunonopeska mtima waku Farao ndipo chingana ndamukwandaniska visimikizgu vyangu ndi vyakuziziswa mu charu cha Egipiti,

Nthanthi 16:1

Vyakulongoso vya muwongu vya munthu, kweni kwamuka kwa lilime kutuwa ku Ambuya.

Nthanthi 16:9

Muwongo wa munthu urongoso nthowa yake, kweni Ambuya arongozga muchapu wake.

Nthanthi 20:24

Michapu ya munthu yilangulika ndi Ambuya; na munthu wangawamo uli nthowa yake?

Yesaya 43:19

Ehe, ndichita chinthu chifya; sono chifwatapuka, kuti mutichiteska cha? Ndikachitanga nthowa mu bozwa ndi misinji mu bozwa.

Yesaya 44:27

mweniyo watiti ku ndimba, ‘Ukamuke, ndikakamuskanga misinji yako’;

Yeremiya 39:12

“Mumuto, mumuphwere umampha ndi mungamuchitiya kaheni cha, kweni muchitenge nayo uli ndimo wakukambiyeninge.”

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

Chivumbuzi 16:12

Ndipo mungelo wachinkhonde ndi chimoza wangupunguliya mbali yake pa msinji ukuru wo, msinji Efrate; ndipo ghangukamuka maji ghake, alinga kuti yirongosoleke nthowa ya ŵakaronga ŵakutuwa ku vuma.

Chivumbuzi 16:4

Wachitatu wangupunguliya mbali yake pa misinji ndi pa visima vya maji; ndipo vyenivyo navyo vingulenga ndopa.