Nthanthi 2:21 - Tonga Bible 1986

²¹ Pakuti ŵakunyoroka ŵakajanga mu charu, ndipo ŵanthu ŵakujisunga umampha ŵakajaliriyanga mwaku cho;

Nthanthi 2:21 Iomraidhean Croise

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Sumu 37:11

Kweni ŵakuzika ndiwo ŵakaharanga charu, ŵakondwenge mu chimangu chikuru.

Sumu 37:18

Ambuya aziŵa mazuŵa gha ŵakongorekwa, ndipo chihara chawo chikajaririyanga muyaya;

Sumu 37:22

Ŵakutumbikika ndi Ambuya ŵakaharanga charu, kweni ŵakutembeka ndi iwo ŵakadumulikanga.

Sumu 37:29

Ŵakurunjika ŵaharenge charu, ndipo ŵakajanga paku cho muyaya.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Sumu 37:9

Chifukwa ŵaheni ŵakadumulikanga; kweni wo ŵalindizga Ambuya ŵakaharanga charu.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Nthanthi 10:30

Murunji kuti wakanderezgekangapo cha, kweni wamphurupuru kuti wakajanga mu charu cha.

Nthanthi 28:10

Mweniyo walandizgiya murunji munthowa ya uheni, wakawanga muzenje la mweneko, kweni wambura kalema wakaŵanga ndi chihara chamampha.