Nthanthi 19:23 - Tonga Bible 1986

²³ Kopa Ambuya kurongozge ku umoyo, ndipo mweniyo we nako waja ndi kukhorwa, kuti urwani ukamuziyanga cha.

Nthanthi 19:23 Iomraidhean Croise

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 19:9

Nkhwamampha kukankhuska Ambuya, nkhwakujaliriya muyaya; vyeruzgu vya Ambuya vyakuneneska, vyakurunjika kwakufikapo.

Sumu 25:13

Iyo mweneko wakajanga mu kusakata, ndipo ŵana ŵake ŵakaharanga charu.

Sumu 85:9

Nadi utaski wawo wepafupi ku ŵakumopa, kuti unkhankhu wawo uje mu charu chidu.

Sumu 90:14

Mlenji ndi mlenji mutigutiske chanju chinu chakufikapo, mwakuti tisekerenge ndi kukondwa mu mazuŵa ghidu ghose.

Sumu 91:10

palivi soka lo likakuŵiyanga, nanga nchiwawa kuti chifikenge pafupi ndi muzi wako cha.

Sumu 91:16

Ndikaŵapaskanga mphoto ya umoyo utali, ndipo kwakuneneska ndikaŵataskanga.”

Nthanthi 10:27

Kopa Ambuya kutandaniska umoyo, kweni virimika vya wamphurupuru vikaŵanga vifupi.

Nthanthi 11:19

Mweniyo wakoreska mu urunji wakajanga wamoyo, kweni mweniyo wachimbiriya uheni wakafwanga.

Nthanthi 12:21

Wakurunjika kuti katumuwiya kaheni cha, kweni ŵaheni ŵazazika ndi suzgu.

Nthanthi 19:22

Cho chikhumbikwa mu munthu nkhujithereska, ndipo munthu musauchi ngwamamphaku waruska mutesi.

Nthanthi 22:4

Mphoto ya kujiyuyuwa ndi kopa Ambuya mbusambasi ndi ulemu ndi umoyo.

Nthanthi 3:24

Asani ukajanga pasi, kuti ukawopanga cha; uchigona pasi tulo twako tukanowanga.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.