Nthanthi 18:23 - Tonga Bible 1986

²³ Wakusauka warombaromba, kweni muromba watumukiya phuzu.

Nthanthi 18:23 Iomraidhean Croise

Chiyambo 42:30

“Yo munthu, mbuya wa charu chiya, wangukamba nafwe kwa nkhaza, ndipo wangutitundula kuti te skoli za charu chiya.

Chiyambo 42:7

Yosefe wanguŵawona ŵabali ŵake, ndipo wanguŵaziŵa, ndi wanguŵalonde nge mbalendo ndi wangukamba nawo kwankhaza, wanguti, “Mutuwa pani?” Iwo ŵanguti, “Tituwa ku charu cha Kanani, kuzachigula vyakurgha.”

1 ŴaKaronga 12:13

Ndipo karonga wanguŵamuka ndi ukari ŵanthu, wangureka upu wa ŵaraŵara ŵangumupaska,

2 Mikoka 10:13

Ndipo karonga wangwamuka kwa ukari, wangujowo fundu ya madoda.

Jobu 41:3

Kumbi wakakuŵeyerenga kaŵikaŵi? Kumbi wakakambanga nawe mazu ghayuyu?

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Nthanthi 19:7

Ŵana ŵanyake wose ŵa mukavu ŵatimutinkha; katazi mabwezi ghake ndigho gharuska kumunthaŵa, wati ŵandondoloska ndi mazu kweni kuti watuŵa nagho cha.

Nthanthi 22:7

Musambasi wateruzga wakusauka, ndipo wakukongola ndi muŵandawa wakumukongoleska.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Yakobe 2:3

ndipo mulereskengepo paku yo wavwara chivwaru chachiŵaliŵali, ndi kunena nayo, “Uje iwe panu pamampha,” ndipo ku mkavu yo munenenge, “Ima kweniko iwe,” pamwenga, “Ja msina mu chitambaliru changu”;

Yakobe 2:6

Kweni imwe muyuyuwa mkavu yo. Asi mbasambasi wo ŵasuzga imwe, ndi ŵakuguziyani iwo ku mphara zakwe uzgiya?

Ruti 2:7

Iyo wanguti, ‘Ndipempha kuti mundizomerezge kukonkho ndi kuwunjika mbeu kutuwa mu zinchinda muvuli mwa ŵakuvuna.’ Viyo waza ndi wamba ndi mlenjilenji kukonkho, mpaka sono walivi nanga nkhupumuwa.”

1 Samuele 2:36

Yose yo wasiyika mu nyumba yako wazenge ndi wajikamiyenge iyo pa kupempha kachipitika ka siliva pamwenga burunga la chiŵande, ndipo wanenenge, “Ndipempha undiŵike, mu malo ghamoza gha ŵazukuru, mwakuti ndirghenge livuvu lachiŵande.” ’ ”

1 Samuele 25:10

Kweni Nabala wangwamuka ŵanyamata ŵaku Davidi, “Ndiyani Davidi? Mwana waku Jesendi yani? Mazuŵa ghano mbanandi ŵateŵeti wo ŵagaruka ku ŵambuyawo.

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”