Nthanthi 17:13 - Tonga Bible 1986

¹³ Asani munthu wawezge uheni pa umampha, uheni kuti ukatuwangako cha ku nyumba yake.

Nthanthi 17:13 Iomraidhean Croise

2 Samuele 12:10

Sono pa chifukwa ichi lipanga kuti lituwengepo cha pa nyumba yako, chifukwa wayeya ine, ndipo watomuwoli waku Uriya muHiti kuŵa muwoli wako.’

1 ŴaKaronga 21:22

ndipo ndikayichitanga nyumba yako nge ndi nyumba yaku Yeroboamu mwana waku Nebati, ulaka ndi nyumba yaku Basha mwana waku Ahija, chifukwa cha ukari wo wandisosomoliyako, ndi chifukwa chakuti wachitiska Yisraele kulakwa.

Sumu 35:12

Watindiwezge uheni pa umampha; mzimu wanguuyuzgika.

Sumu 38:20

Ŵakundiwezge uheni pa umampha mbarwani ŵangu, chifukwa ine ndirondo cho nchamampha.

Nthanthi 13:21

Soka lidikiskana ndi ŵaheni, kweni kusakata kupaska mphoto kuwakurunjika.

Mateyu 27:25

Ndipo khamu lo lose lakwamuka, linguti, “Ndopa zake ziŵe paku ifwe ndi pa ŵana ŵidu!”

Mateyu 27:5

Ndipo wati wapong'a pasi vyasiliva vyo mu kasopi, wanguruta; ndipo wakutuwako wangujigwinjiriya.

ŴaRoma 12:17

Mungawerezge yumoza cha uheni pa uheni. Phwereni vyaulemu pa maso paku wose.

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

1 Samuele 19:4

Sono Jonafani wangukamba umampha gha kurumba Davidi kwa wiske a Sauli, wanguti, “Rekani kughanaghaniya uheni pa mteŵeti winu Davidi; chifukwa iyo walive kumunangiyani kanthu, ndipo nchitu zake zaŵa zamampha kwaku imwe.

1 Samuele 24:17

Wanguti kwaku Davidi, “We murunji ukongwa kuruska ine chifukwa wandiwezge umampha po ine ndakuchitiyanga uheni.

1 Samuele 25:21

Kweni Davidi wanguti, “Kwakuneneneska ndajisuzganga waka pakusunga vyose vyo munthu uyu wanguŵa navyo mu bozwa, mwakuti kuti kangutayikapo kanthu nanga nkhamoza cha kaku vyose vyo wenga navyo; ndipo wandiwezge uheni pa umampha.