Nthanthi 17:12 - Tonga Bible 1986

¹² Mphanyi munthu wangawona chinyama cha biyere chenicho chapokeka ŵana ŵake, kwakuruska wakupusa mu kupusa kwake.

Nthanthi 17:12 Iomraidhean Croise

2 Samuele 17:8

Pakurutiliyapo Hushai wanguti, “Uziŵa iwe kuti ausu ndi ŵanthu ŵawo mbanthu ŵanthazi ukongwa, ndipo mitima yawo ye muchanya, nge ndi biyere yo wakwamphulika ŵana mu dondo. Pade paku ichi, ausu ndi ngwazi mu nkhondo; ndipo kuti ŵangagona mu usiku pamoza ndi ŵanthu cha.

2 ŴaKaronga 2:24

Wangung'anamuka, ndipo wanguti waŵaona, wanguŵatemba mu zina la Ambuya. Ndipo kungusotopoka ŵabera ŵaŵi ŵanthukazi ku dondo ŵanguparuwa machumi ghaŵi gha ŵahurwa wo.

Nthanthi 17:11

Munthu muheni wapenja chigaluka pe, ndipo muthenga mukari ŵakamutumiyanga wakumikana nayo.

Nthanthi 27:3

Mwa nguzitu, ndipo muchenga uzita, kweni kukala kwa mubereŵeza kuzita kwakuruska vyose viŵi.

Nthanthi 28:15

Uli ndi nkharamu yakukoroma, pamwenga biyere wakurotoka, ndimu walili mweruzgi wa mphulupulu pa ŵanthu ŵakavu.

Nthanthi 29:9

Asani munthu wazeru wapindana ndi mubereŵeza, mubereŵeza wakaripa ndi kuwoya, ndipo palivi kuchetama.

Hoseya 13:8

Ndiŵarotokiyenge nge ndi chipembere yo waphangika ŵana ŵake, ndiparuwenge nganga yawo, ndipo nkhaŵarghanga nge ndi nkharamu, nge ndimo chikoko cha mu dondo chiparuriya.

Mateyu 2:16

Herode, pakuwona kuti wapusikika ndi ŵaukwi, wangukaripa ukongwa, ndipo wangutuma ndi wangukoso ŵana ŵanthurumi wose mu Betelehemu ndi mu mphaka zake zose, ŵa virimika viŵi ndi pasi pake, kwakulingana ndi nyengo yo ŵanguziya ŵaukwi wo.