Nthanthi 16:2 - Tonga Bible 1986

² Nthowa zose za munthu zakutowa mu maso gha mweneko; kweni Ambuya wapima mzimu.

Nthanthi 16:2 Iomraidhean Croise

Sumu 36:2

Chifukwa watijipusika mu maso gha mweneko, watiti uheni wake kuti ungabowozgeka ndi kutinkhika cha.

Nthanthi 12:15

Nthowa ya wakupusa njamampha mu maso gha mweneko, kweni munthu wazeru wategherezga ku chisambizgu.

Nthanthi 16:25

Yilipo nthowa yeniyo yiwoneka uli njamampha ku munthu, kweni umari wake ndi nthowa yaku nyifwa.

Nthanthi 17:3

Mumphika wakusungapo ngwa siliva ndipo ng'anjo nja golide, ndipo Ambuya ŵatesa mitima.

Nthanthi 21:2

Nthowa yose ya munthu njamampha mu maso gha mweneko, kweni Ambuya ŵapima mtima.

Nthanthi 24:12

Asani utiti, “Ehe tengavi kuchiziŵa ichi,” kumbi mweniyo wapima mtima, kuti watichiziŵa cha chenichi? Kumbi mweniyo wasunga mzimu wako kuti watichiziŵa cha chenichi, ndipo kumbi iyo kuti wakalipilanga munthu kwakuyana ndi nchitu yake cha?

Nthanthi 30:12

Ŵalipo ŵeniwo mbakutowa mu maso gha ŵeneko, kweni kuti mbakutozgeka cha ku lisilo lawo.

Nthanthi 5:21

Pakuti nthowa za munthu ze paurongo pa maso gha Ambuya, ndipo iwo ŵateska nthowa zake zose.

Yesaya 26:7

Nthowa ya ŵarunji njakutambara, ndimwe munyoroska nthowa ya ŵakurunjika.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Danyele 5:27

TEKEL, Mwapimika pa mweso ndi mwasanirika kuti mwe ŵayuyu;

Maŵerengedu 22:32

Mungelo wa Ambuya wangunena nayo, “Chifukwa nchine wapuma mbunda yako nyengo izi zitatu? Ayivwa, ine ndaza kumikana nawe, chifukwa nthowa yako njakunangika paurongo pangu;

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Ŵeruzgi 17:6

Mu mazuŵa gho mwengavi karonga mu Yisraele; munthu yose wanguchita chenicho chenga chamampha mu maso ghaku yija.

Ŵeruzgi 7:6

Ndipo unandi waku wo ŵangukapuwa, ŵakuŵika manja ghawo ku mlomo, ŵenga machumi pe chumi ghatatu (300) kweni urapasi wa ŵanandi ŵangujikama pasi pakumwa maji.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

1 Samuele 2:3

Rekani kurongoro kwakujikuzga, kujirumba kureke kutuwa mu mlomo winu; pakuti Ambuya ndi Chiuta wa vinjeru, ndipo ndi iyo nchitu zose zipimika pa mweso.