Nthanthi 16:18 - Tonga Bible 1986

¹⁸ Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Nthanthi 16:18 Iomraidhean Croise

Estere 3:5

Hamani wanguti wawona kuti Mordikayi wareka kukotama ndi kumlambiya wanguzazika ndi ukari.

Estere 6:6

Viyo Hamani wangusere. Karonga wangufumba, “Kumbi chingamuchitikiya chine munthu yo karonga wakondwa nayo kumtumbika?” Ndipo Hamani wangurunguruka mu mtima wake, “Kumbi wangaŵa so yani yo karonga ngwakukondwa nayo kuti wamchitiye ulemu wakuruska ine?”

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Nthanthi 11:2

Asani patuza kujikuzga pavuli patuza chilengesku; kweni pamoza ndi wakujiyuyuwa ndi zeru.

Nthanthi 17:19

Mweniyo watanja kusovya watanja ndeu; mweniyo wachita khomo lake kuŵa litali wapenja phasulo.

Nthanthi 18:12

Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

Yesaya 37:38

Ndipo penipo wasopanga mu nyumba yaku Nisiroki chiuta wake, Adrameleke ndi Sharezara, ŵana ŵake, ŵangumubaya ndi lipanga, ndipo ŵanguthaŵiya mu charu cha Ararati ndipo Esarahadoni mwana wake wanguusa mu malo ghake.

Yeremiya 49:16

Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

Yeremiya 50:32

Wakujikuzga wakaguŵanga ndi kuwa, paulengevi wakumuyuska, ndipo ndikakozganga moto mu misumba yake, ndipo ukarghanga wose ŵakumuzunguliya iyo.

Ezekiele 28:17

Chifukwa cha kutowa kwako mtima wako ungujikuzga; unguvundiska vinjeru vyako chifukwa cha kugadima kwako. Ndingukupong'a pasi; ndingukujarika nkhuli paurongo pa ŵakaronga, kugutiska maso ghawo paku iwe.

Ezekiele 29:9

ndipo charu cha Egipiti chikaŵanga phasulu ndi mapopa. Sono ndipo ŵakaziŵanga kuti ine ndine Ambuya. “Chifukwa iwe unguti, ‘Nile ngwangu, ndingumwata ndine,’

Danyele 11:12

Asani liŵanja latoreka mtima wake ujitukumuwenge, ndi wawiskenge pasi vikwi machumi ghambura kupendeka, kweni kuti wapundenge cha.

Danyele 5:22

Ndipo iwe Beleshazara mwana wake, ulivi kujiyuyuwa mu mtima wako, chingana wachiziŵa ichi chose;

Danyele 5:24

“Viyo chikufi cha janja chingutumika kutuliya kwaku iyo, ndipo lembo ili lingulembeka.

Mateyu 26:74

Sono wangwamba kutemba ndi kurapa, kuti, kuti, “Ndimziŵa cha yo munthu.” Ndipo sosonukweni wangukokoŵereka tambala.

Luka 14:9

ndipo wachiza yo wangudana iwe ndi iyo wanenenge nawe, ‘Mundere uyu malo;’ ndipo viyo wambenge ndi soni kuto malo ghakumariya.

ŴaRoma 11:20

Mbwenu; zingufyolekako mu uwura-chivwanu chawo, ndipo iwe ume nganganga mu chivwanu chako, ungajitumphuskanga cha, kweni wopanga.

1 Timote 3:6

Mteta cha, vinu pakututumuka wangawiya mu chisusa cha diabolo.

Ŵeruzgi 11:28

Kweni Karonga wa Amoni kuti wanguphwere cha uthenga waku Jefta wo wangumutumiya.

1 Samuele 17:42

MuFilisti wanguti walereska, ndi kuwona Davidi, wangumuyeya; pakuti wenga mwana mhurwa, myera wa chisku chakutowa.