Nthanthi 15:8 - Tonga Bible 1986

⁸ Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Nthanthi 15:8 Iomraidhean Croise

2 Samuele 15:12

Ndipo po Absalomu waperekanga zisembe, wangudana Ahitofele muGilono, wa muupu waku Davidi, kutuwa ku muzi wake ku Gilo. Ndipo chiŵembu chingukuwa ndi nthazi ndipo ŵanthu ŵakurondo Absalomu ŵakuwanga kuwanga mu unandi.

1 ŴaKaronga 3:10

Chingukondweska Ambuya kuti Solomoni wangupempha ichi.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

Sumu 17:1

Avwani vya urunji wangu, Ambuya; tegherezgani ku kuliya kwangu! Avwani rombu langu lo lituwa mu milomo yambura chinyengo!

Nthanthi 10:24

Chenicho watopa wamphulupulu chikazanga paku iyo, kweni chenicho wanweka murunji chikapaskikanga.

Nthanthi 15:29

Ambuya ŵe kutali ku wamphulupulu, kweni ŵatuvwa rombu la marunji.

Nthanthi 15:7

Milomo ya wazeru yiwandiska chinjeru, ku miwongo ya wakupusa kuti kwe viyo cha.

Nthanthi 21:27

Ambuya ŵatinkha asani ŵanthu ŵaheni ŵatuŵapaska mipasku, weni ukongwa asani ŵatu wupereka ndi maghanaghano ghaheni.

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

Nthanthi 28:9

Asani munthu watuzgako gutu lake kukuvwa dangu chingana ndi rombu lake ndi kazuzi.

Wakutaula 5:1

Sunga kenderu kako pakututa ku nyumba yaku Chiuta; kundere kufupi kutegherezga nkhwamampha kwakuruska kupereka sembe za wakupusa; pakuti kuti ŵaziŵa cha kuti ŵachita uheni.

Sumu ya Zisumu 2:14

Owe nkhunda yangu, mu vinkhwawu vya jarawi, mu mazenje ghakubisika, mphanyi ndawona chisku chako, ndivwi mazu ghako, pakuti mazu ghako ngakunowa, ndipo chisku chako nchakunozga.

Yesaya 61:8

Pakuti ine Ambuya nditanja cheruzgu chirunji, nditinkha kuba ndi kuchimwa; ndikaŵapaskanga kwamagomekezgeka mphoto yawo, ndipo ndikapangananga nawo phanganu la muyaya.

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

Danyele 9:23

Pakwamba kuŵeyere kwako, mazu ghangutuwa, ndipo ndaza kuzachikunene chifukwa we wakwanjiwa ukongwa; viyo uziŵi mazu yagha ndi uwemu chiwona.

ŴaLevi 7:18

Asani nyama yinyake ya sembe ya chimangu yarghika mu zuŵa la chitatu, iyo mweniyo wayipereka kuti wakarondorekanga cha, chingana nkhuti yikamwanduliyanga kanthu cha yikaŵanga ukazuzi, ndipo mweniyo wakarghangapo yo wakarutanga ndi ulakwi wake.

Mika 6:6

“Nkhazanga ndi chine pa maso pa Ambuya, ndi kusindama pa maso paku Chiuta wa pachanya paku vyose? Kumbi nkhazanga pa maso pake ndi sembe yakocha, ndimatholi gha chirimika chimoza? Kumbi Ambuya akakondwanga ndi vikwi vya ŵana ŵa mberere ŵanthurumi, ndi vikwi chumi (10,000) vya misinji ya mafuta?

Mika 6:7

Kumbi nkhaperekanga mwana wangu wa umwali chifukwa cha maulakwi ghangu, chipasi cha liŵavu langu chifukwa cha kwananga kwa mzimu wangu?”

Hagayi 2:14

Viyo Hagayi wanguti, “Kwe viyo ndi ŵanthu yaŵa, ndi mtundu uwu we paurongo pangu, atiti Ambuya ŵa maŵanja; ndi kwe viyo ndi nchitu yose ya manja ghawo; ndi vyo ŵapereka vyakufipa.

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Yohane 4:24

Chiuta ndi Mzimu: ndipo ŵakusopa iyo ŵatenere kumsopa mu mzimu ndi mu uneneska.”