Nthanthi 15:5 - Tonga Bible 1986

⁵ Wakupusa wayuyuwa kwambuzga kwa awiske, kweni yo waphwere kuchenya ngwazeru.

Nthanthi 15:5 Iomraidhean Croise

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Sumu 141:5

Munthu wamampha wandilange ndi kundichenya mwa ulemu, kweni kuti ndizomerezgenge muheni kundipaka mafuta ku mutu cha, chifukwa nyengo yose ndirombe pa nchitu zawo ziheni.

Nthanthi 1:23

Phwereni kuchenjezga kwangu, ehe, ndikapunguliyanga maghanughanu, ghangu kwaku imwe; ndikaziŵiskanga mazu ghangu kwaku imwe.

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Nthanthi 10:1

Nthanthi zaku Solomoni. Mwana wazeru wakondwereska awiske, kweni mwana wakupusa nchitima ku anyina.

Nthanthi 13:1

Mwana wazeru watuvwa kurunguchizga kwa awiske, kweni wakuyeya kuti wategherezga ku kuchenya cha.

Nthanthi 13:18

Ukavu ndi chilengesku vituza kwaku mweniyo wakana kusambizgika, kweni mweniyo waphwere kuchenyeka watumbikika.

Nthanthi 15:4

Lilime lakuzika ndi muti wa umoyo, kweni kulandizga kwamukati mwake kunanga mzimu.

Nthanthi 15:6

Mu nyumba ya murunji mwe usambasi unandi, kweni suzgu yiwiya chuma cha wamphurupuru.

Nthanthi 19:20

Tegherezga cho atukupanga ndi ronde sambizgu, alinga kuti usaniye zeru za mukucha.

Nthanthi 25:12

Uli ndi mphete ya golide pamwenga kakuzganga ka golide ndimu walili wakuchenya wazeru ku gutu lakutegherezga.

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

Tito 1:13

Chisimisimi chenichi nchakuneneska. Pa chifukwa chenicho ŵapanikizge kwakuchenya, alinga kuti ŵakhome mu chivwanu.

Tito 2:15

Vyenivi kambanga ndi chiskanga ndi panikizganga ndi mtufu wose. Wangakuyuyuwa cha chingana njumoza.