Nthanthi 15:18 - Tonga Bible 1986

¹⁸ Munthu wachikalirizga wayuska ndeu, kweni yo ngwambura kukara ruŵi wazikiska kupindana.

Nthanthi 15:18 Iomraidhean Croise

2 Samuele 19:43

ŴaYisraele wangwamuka ŵaYuda ŵanguti, “Ifwe tendi vigaŵa chumi vyo tisangana ndi karonga, ndipo nanga ndi mwaku Davidi tenavyo kuruska imwe. Sono chifukwa nchine mutiderera? Kumbi kuti ndifwe cha tenga ŵakudanga pa makani gha kuwezga karonga widu?” Kweni mazu gha ŵaYuda ghenga gha ukari kuruska mazu gha ŵaYisraele.

Nthanthi 10:12

Kutinkha kuyuska homwa, kweni chanju chivimba vifukwa vyose.

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

Nthanthi 15:19

Nthowa ya mukata yiŵinda ndi minga, kweni gurwi wa wakunyoroka ngwachiwande.

Nthanthi 16:14

Ukari wakaronga ndi thenga la nyifwa ndipo munthu wazeru waupozgenge.

Nthanthi 16:28

Munthu wakupuruska watandaniska ndeu, ndipo wakutokotezga wapatuwa mabwezi ghakuziŵirizgana nagho.

Nthanthi 22:24

Reka kuchita ubwezi ndi munthu mweniyo ngwa chikalalizga chingana nkhurongozga ndi munthu wa ukari,

Nthanthi 25:15

Ndi kuzika mweruzgi wangaziŵa kuchichizgika, ndipo lilime lakolowa likaswanga mwa.

Nthanthi 26:21

Mo ghaliri maka ku fukunyira lamoto ndi nkhuni ku moto viyo ndimu walili munthu wa chiwawa pakuyuska ndeu.

Nthanthi 28:25

Munthu mususi wayuska ndeu, kweni mweniyo wagomekezga mu Ambuya wakasambasanga.

Nthanthi 29:22

Munthu wachikwiya wayuska ndeu, ndipo munthu wa chikalalizga wachitiska utimbanizi unandi.

Wakutaula 10:4

Asani ukari wa wakuwusa wakuyukiya ureke kusiya malo ghako, pakuti kujiŵika pasi kupembuzga mphambanu yikuru.

Mateyu 5:9

“Mbakutumbikika ŵakutata chimangu: pakuti iwo ŵazumbulikenge ŵana ŵaku Chiuta.