Nthanthi 14:21 - Tonga Bible 1986

²¹ Mweniyo wayuyuwa muzengezgani wake ngwa mphulupulu, kweni walikondwa ndi mweniyo wachita wezi ku wakusauka.

Nthanthi 14:21 Iomraidhean Croise

Sumu 112:5

Wakukondwa ndi munthu yo ndimwanangwa mu mateu ghake, yo watendeska nchitu zake mu uneneska.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Sumu 22:24

Chifukwa kuti wanguyeya chingana nkhutinkha cha suzgu ya wakusuzgika; nanga nkhumubisiya chisku chake, kweni wanguvwa, po wanguliriya kwaku iyo.

Nthanthi 11:12

Yo wayuyuwa muzengezgani wake walivi chinjeru, kweni munthu wakuwamo waja chisisi.

Nthanthi 14:31

Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.

Nthanthi 17:5

Mweniyo wanyoza wakusauka watuka Mulengi wake; mweniyo ngwakukondwa pa soka kuti walekekenge kulangika cha.

Nthanthi 18:3

Asani mphulupulu yituza kunyoza nako kubulika; ndipo pamoza ndi kuyeya patuza chilengesku.

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Nthanthi 21:10

Mtima wa wamphulupulu unweka uheni; muzengezgani wake kuti wasaniya lisungu cha mu maso ghake.

Nthanthi 22:9

Mweniyo wendi jiso la lisungu wakatumbikikanga, pakuti wasangana kurgha kwake ndi ŵakusauka.

Nthanthi 28:27

Mweniyo wapaska mukavu kuti wakavukenge cha, kweni mweniyo wabisa maso ghake warondenge matembu ghanandi.

Nthanthi 28:8

Mweniyo watandaniska usambasi wake ndi kubwerekeska kwakuŵikiyapo ndi kwandaniska waunjikiya mweniyo wendi wezi ku ŵakavu.

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

Luka 18:9

Ndipo so wangukambiya ntharika yeniyi ku ŵanyake wo ŵangugomekezga mwaku ŵija kuti ŵenga ŵarunji, ndi ŵanguyuyuwa ŵakujapo:

Machitidu gha Ŵakutumika 20:35

Mwaku vyose ndakurongoni, kuti mwaŵakutakatakiya viyo mutenere kuwovya ŵakutomboroka, ndi kukumbuka so mazu gha Ambuya Yesu, po wanguti iyo, ‘Nkhwamwaŵi kupaska kwakuruska kuronde.’ ”

Marangu 15:9

Chenjini vinu mungaŵa ghanoghono lakuyeya mu mtima yinu ndipo mungati, ‘Chirimika cha chinkhonde ndi chiŵi, chirimika cha chigowoke che pafupi,’ ndipo jiso linu liŵenge liheni kumikana ndi mbali winu mukavu, ndipo mutumupaska kanthu cha, wakamuliriyaninga ku Ambuya, ndipo ulakwi uŵenge kwaku imwe.

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.