Nthanthi 13:7 - Tonga Bible 1986

⁷ Munthu yumoza watiji yikamo kuti ndi msambasi, kweni walivi kanthu; munthu munyake watijiyikamo kuti ndi mukavu, kweni we ndi usambasi unandi.

Nthanthi 13:7 Iomraidhean Croise

Nthanthi 11:24

Munthu yumoza wapaska kwa wanangwa, kweni vyose vikuwa kusambasa ukongwa; munyake wakaniriya chenicho wangapaska, ndipo wakomwa vichimusoŵa.

Nthanthi 12:9

Wamamphaku ndi munthu wakujiyuyuwa mweniyo watijitataliya kwakuruska mweniyo watijipaska ula kweni walivi chiŵande.

Nthanthi 13:11

Uromba wakuwutole pa befu ukamaranga, kweni mweniyo waunjika kamanakamana wawandaniskenge.

Nthanthi 13:8

Thumba lakuwombole umoyo wa munthu mburomba wake, kweni munthu wakusauka walivi nthowa yakuwombokwe.

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

1 ŴaKorinte 4:8

Mwakhorwa kali, mwasambasa kali, mwausa kwambura ifwe: inya mphanyi munguwusa mwakuti nafwe so tiuse pamoza namwe.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

2 Petro 2:19

ŵapangana nawo wanangwa, penipo iwo ŵeneko mbaŵanda ŵa marusu ghakubwanganduwa. Pakuti ndi chenicho munthu wathereskeka, kwaku chenicho watoleke mu uŵanda.

Chivumbuzi 2:9

“ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

Chivumbuzi 3:17

Chifukwa utiti, ndine msambasi, ndasakatiskika ndi uromba, kuti ndikavuka kanthu cha; ndipo ureka kuziŵa kuti we musokwa iwe, ndi wachisungu, msauchi, wachiburumutiya, ndi wankhuli.