Nthanthi 13:3 - Tonga Bible 1986

³ Yo wavikiriya mlomo wake wasungirizga umoyo; yo wajura kwakuyasama milomo yake watuza ku pharghaniku.

Nthanthi 13:3 Iomraidhean Croise

Sumu 141:3

Ambuya, ŵikani mlinda pa mlomo wangu, mlinda pa khomo la milomo yangu.

Sumu 34:13

Sunga lilime lako ku uheni, ndi milomo yako ku kurongoro ubendizi.

Sumu 39:1

Ndinguti, “Ndikaphwerenga nthowa zangu, mwakuti ndireke kwananga ndi lilime langu; ndimangenge mlomo wangu ndi chakumangiya, penipo pose ŵaheni ŵe pamaso pangu.”

Nthanthi 10:14

Ŵanthu ŵazeru ŵasunga kuziŵa, kweni kubwebweta kwa wakupusa kutuza ndi phasulu pafupi.

Nthanthi 10:19

Asani mazu nganandi, kusovya kuti kutuwa patali cha, kweni mweniyo wasunga milomo yake ngwazeru.

Nthanthi 10:8

Wazeru mu mtima wakaphwerenga marangu, kweni wakupusa wavibwetu wakanangikanga.

Nthanthi 12:13

Munthu muheni watghika ndi kusovya kwa milomo yake, kweni murunji wathaŵako ku suzgu.

Nthanthi 13:4

Mzimu wa mukata upemphapempha ndipo kuti uronde kanthu cha, penipo mzimu wa wakutakataka upaskika usambasi.

Nthanthi 14:3

Kurongoro kwa wakupusa ndindodo yapa msana pake, kweni milomo ya ŵazeru yikaghasunganga.

Nthanthi 18:21

Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

Nthanthi 18:7

Mlomo wa wakupusa ndi phasulo lake, ndipo milomo yake viŵana ku mweneko yija.

Nthanthi 20:19

Yo watiti nkhuya uku nkhuya uku kwachisuza wasumuwa vya kuubende, chifukwa cho ungakwatikananga ndi mweniyo warongoro kwa ubereŵeza.

Nthanthi 21:23

Mweniyo wasunga mlomo wake ndi lilime watijisunga kubwalo ku suzgu.

Yakobe 1:26

Asani munthu wajipima kuti ngwakusopa, wambura kutintha lilime lake kweni wakufuvya mtima wake, chisopa chaku mweniyo nchawaka.

Ŵeruzgi 16:11

Samsoni wanguti kwaku Delila, “Asani ŵandimangenge ndi vingwe vifya vyenivyo vilivi kuchitayapo nchitu kale, po ndipo ndikaŵanga wakutomboloka, ndi kuŵa uli ndimo walili munthu we yose.”

Ŵeruzgi 16:17

Viyo wangumunene ghose gha mu mtima wake, wanguti kwaku Delila, “Iwembe lilivi kukapo pa mutu wangu; pakuti ndaŵa muNaziri kwaku Chiuta kwamba ku chibali cha ama. Asani ndingameteka po ndipo nthazi yangu yikandisiyanga, ndipo ndikaŵanga wakutomboloka, ndi kuŵa uli ndimo walili munthu we yose.”