Nthanthi 13:15 - Tonga Bible 1986

¹⁵ Ghanaghano lamampha lisaniya mwaŵi, kweni nthowa ya ŵambura kuvwana ndi phasulo lawo.

Nthanthi 13:15 Iomraidhean Croise

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

Nthanthi 14:35

Mteŵeti yo wachita kwa zeru wendi mwaŵi wa karonga, kweni ukari wake utuwa paku yo watakataka kwakulengeska.

Nthanthi 15:10

Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

Nthanthi 3:4

Po ndipo ukasaniyanga mwaŵi ndi mbiri yamampha mu maso ghaku Chiuta ndi munthu.

Nthanthi 4:19

Nthowa ya muheni ye uli ndi mdima wamunkhorwi; kuti ŵaziŵa cha chenicho ŵaguŵamo.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Luka 2:52

Ndipo Yesu wakuwanga mu zeru ndi mu msinkhu, ndi mu wezi kwaku Chiuta ndi ŵanthu.

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

ŴaRoma 6:21

Viyo mwenga ndi chipasi chakutinji kali mwaku vyenivyo sono mulenga soni navyo? Chifukwa umari waku viya ndi nyifwa.