Nthanthi 13:13 - Tonga Bible 1986

¹³ Mweniyo wayuyuwa mazu watijitole phasulu lamweneko, kweni mweniyo wavwiya dangu wakarondenga mphoto.

Nthanthi 13:13 Iomraidhean Croise

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Ezra 10:3

Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

Sumu 115:13

atumbikenge wose akopa Ambuya, ŵamana ndi ŵara kwakukozgana.

Sumu 119:165

Wo ŵatanja dangu linu ŵendi chivekeru chakufikapo, ndipo kulivi ko kakaŵaguŵiskanga.

Sumu 19:11

Vitindipaska zeru nda mteŵeti winu; mu kuvisunga mwe mphoto yikuru.

Sumu 19:12

Kweni njani yo wangaziŵa kwananga kwake? Ndingweruskeni ku viheni vyakubisika.

Chituwa 9:20

Sono yo wangopa mazu gha Ambuya mu ŵateŵeti ŵaku Farao wanguchitiska ŵaŵanda ŵake ndi ng'ombe zake kuthaŵiya mu zinyumba,

Nthanthi 1:25

ndipo mwakana fundu zangu zose, ndipo mulivi kuronde nanga ndimoza chenjezgu langu,

Nthanthi 13:12

Gomezgu lambura kufiskika litamiska mtima, kweni khumbu lakufiskika ndi muti waumoyo.

Nthanthi 13:21

Soka lidikiskana ndi ŵaheni, kweni kusakata kupaska mphoto kuwakurunjika.

Nthanthi 16:20

Mweniyo waphwere mazu wakasakatanga ndipo wakukondwa, ndi mweniyo wagomekezga mu Ambuya.

Nthanthi 19:16

Mweniyo wasunga dangu wasunga umoyo wake, mweniyo wayeya mazu wakafwanga.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Yeremiya 43:2

Azariya mwana waku Hoshaya ndi Yohanani mwana waku Kareya ndi ŵanthu wose ŵamuyuyu ŵanguti kwaku Yeremiya, “Ukamba utesi. Ambuya Chiuta widu wengavi kukutuma kukamba kuti, ‘Rekani kuya ku Egipiti kwachija kwenikuwa.’

Ezekiele 20:13

Kweni nyumba yaku Yisraele yingundigarukiya mu bozwa; kuti ŵangwenda muvirungu chizgu vyangu cha, ŵangutinkha malangulu ghangu, gho munthu pakughasunga wakaŵanga ndi umoyo; masabata ghangu nagho ŵangughakazuzga ukongwa. “Penipo ndingughanaghana kuti ndiŵapunguliye ukari wangu mu bozwa, alinga kuti ndiŵamarizgiye limu.

Ezekiele 20:16

chifukwa ŵangutinkha malangulu ghangu ndipo kuti ŵangwenda mu virunguchizgu vyangu cha, ŵangukazuzga masabata ghangu; pakuti mitima yawo yingurazga ku ŵangoza ŵawo.

Ezekiele 20:24

chifukwa kuti ŵangusunga malangulu ghangu cha, kweni ŵangukana virunguchizgu vyangu ndi kukazuzga masabata ghangu, ndipo maso ghawo ghenga pa ŵangoza ŵa auskeu.

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Maŵerengedu 15:31

Chifukwa wayuyuwa mazu gha Ambuya, ndi waswa dangu lawo, munthu wa viyo watuzgikeko; ulakwi wake ukamubayanga.”

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

Luka 16:31

Kweni wangumunene, ‘Asani ŵareka kuvwiya Mosese ndi ŵamchimi wo, kuti ŵakopekenge cha, chingana wangayuka yumoza waku ŵakufwa.’”

2 Yohane 1:8

Mujilereske kuti mungataya cha vyenivyo mwatakatakiya, kweni kuti muronde mphotu yakuzara.