Nthanthi 13:12 - Tonga Bible 1986

¹² Gomezgu lambura kufiskika litamiska mtima, kweni khumbu lakufiskika ndi muti waumoyo.

Nthanthi 13:12 Iomraidhean Croise

Chiyambo 46:30

Yisraele wanguti kwaku Yosefe, “Sono ndifwenge ŵaka, pakuti ndawona chisku chako ndi ndaziŵa kuti uchalipo wamoyo.”

Nehemiya 2:2

Ndipo karonga wanguti kwangu, “Chifukwa chine chisku chako chazimbwa pakuti ulivi kutama? Aka kuti nkhanthu kanyake cha kweni nchisungu cha mtima.” Sono ndingofyerwa ukongwa.

Sumu 143:7

Chondi ndamukeni, Ambuya! Chigomezgu chose ndataya! Mungajibisanga cha kwaku ine, vinu ndingaŵa mukati mwakuwo ŵasikiya ku zenje.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 69:3

Ndavuka ndi kuliriya chovyo, pa khosi pangu paŵaŵa. Maso ghangu ghachita chizgezge pakulereze Chiuta wangu.

Nthanthi 11:30

Chipasi cha ŵakurunjika ndi muti wa umoyo, kweni uchikanamaranga utuzgapo maumoyo.

Nthanthi 13:11

Uromba wakuwutole pa befu ukamaranga, kweni mweniyo waunjika kamanakamana wawandaniskenge.

Nthanthi 13:13

Mweniyo wayuyuwa mazu watijitole phasulu lamweneko, kweni mweniyo wavwiya dangu wakarondenga mphoto.

Nthanthi 13:19

Khumbu lakufiskika ndakunowa ku mzimu, kweni kutuwako ku uheni mbukazuzi ku wakupusa.

Nthanthi 3:18

Ndi muti wa umoyo kwaku ŵaniwo ŵatiwuko; ŵeniwo ŵatiukoleska ŵadanika kukondwa.

Sumu ya Zisumu 5:8

Ndimurapiskiyani, mwaŵana ŵanthukazi ŵaku Yerusalemu, asani mwamusaniya nkhwanjiwa wangu, mumunene kuti, ndatama ndi chanju.

Yohane 16:22

Namwe so viyo mwe ndi chisungu sono: kweni ndazamkukuwonani so, ndipo mitima winu wazamkondwa, chimwemwe chinu pazamuuravi yumoza wazamtuzgapo kwaku imwe.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Chivumbuzi 22:2

ndi mukati mu mseu wa msumba. Ndipo sirgha lino ndi sirgha liya la msinji penga muti wa umoyo, wo upasa vipasi vya mitundu chumi ndiyiŵi, ndi upasapasa mwezi ndi mwezi: mane ghake nagho ngakuchizgiya mitundu.