Nthanthi 12:26 - Tonga Bible 1986

²⁶ Munthu murunji watuwako ku uheni, kweni nthowa ya wamphulupulu yituŵalandizga.

Nthanthi 12:26 Iomraidhean Croise

Sumu 16:3

Nge nkhu ŵatuŵa mu charu, mbakuzirwa, likondwa langu lose le mwaku iwo.

Nthanthi 12:13

Munthu muheni watghika ndi kusovya kwa milomo yake, kweni murunji wathaŵako ku suzgu.

Nthanthi 12:25

Maghanughanu mu mtima wa munthu ghatimusiskiya pasi, kweni limazu lamampha litumukondweska.

Nthanthi 12:27

Munthu mukata kuti wakayikonga cha nyama yake, kweni munthu wakutakataka yo wakalondanga chuma chakuzirwa.

Nthanthi 14:22

Asi ŵalakwa wo ŵapangizga uheni? Weniwo ŵapangizga umampha ŵakumana ndi kuyithereska ndi kugomekezgeka.

Nthanthi 16:29

Munthu wa ndeu wapusika mzengezgani wake, ndipo watimurongozga mu nthowa yeniyo kuti njamampha cha.

Nthanthi 17:27

Mweniyo wakanizga mazu ghake we ndi chinjeru; ndipo mweniyo wendi mzimu wakuzizira ndi munthu wakuwamo.

1 Yohane 2:26

Vyenivi ndikulembiyani paku wo ŵakurandizgani.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.