Nthanthi 12:25 - Tonga Bible 1986

²⁵ Maghanughanu mu mtima wa munthu ghatimusiskiya pasi, kweni limazu lamampha litumukondweska.

Nthanthi 12:25 Iomraidhean Croise

Sumu 38:6

Ndakotama ukongwa ndasindama; zuŵa lose nditenda wakutenje.

Sumu 42:11

Wawiyanji pasi wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Nthanthi 12:26

Munthu murunji watuwako ku uheni, kweni nthowa ya wamphulupulu yituŵalandizga.

Nthanthi 14:10

Mtima uziŵa kuŵaŵa kwa weneko, ndipo palivi mlendo wasangana nawo likondwa lake.

Nthanthi 15:13

Mtima wakukondwa usangaruska chisku, kweni chifukwa cha chitima mu mtima mzimu usweka.

Nthanthi 15:15

Mazuŵa ghose gha wakuyuzgika ngaheni, kweni mtima wakusangaruska wendi kurgha kunandi kwakurutiriya.

Nthanthi 15:23

Kwamuka kwaruŵi ndi likondwa ku munthu, ndipo mazu mu nyengo yake, kuti nkhunozga cha!

Nthanthi 15:30

Ukweru wa jiso ukondwereska mtima, ndipo uthenga wamampha uziziriska viwanga.

Nthanthi 16:24

Mazu ghakukondwereska ghachita uli nchisa cha njuchi, kunowa ku mzimu ndi umoyo wamampha ku liŵavu.

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Nthanthi 18:14

Mzimu wamunthu ukunthiyengepo matenda; kweni mzimu wakusweka njani wanganyamuwa?

Nthanthi 25:11

Mazu ghakukambika kwakwenere ghe uli ndi vipasi vya golide mu kuzganga kwa siliva.

Nthanthi 27:9

Mafuta ndi vyachema vikondwereska mtima, kweni mzimu uparuka ndi suzgu.

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Zekariya 1:13

Ndipo Ambuya angumwamuka mungelo yo wakambanga nane mazu gha ulemu ndi ghakusangaruska.