Nthanthi 12:21 - Tonga Bible 1986

²¹ Wakurunjika kuti katumuwiya kaheni cha, kweni ŵaheni ŵazazika ndi suzgu.

Nthanthi 12:21 Iomraidhean Croise

Sumu 121:7

Ambuya akuvikiriyenge ku urwani wose; asungenge umoyo wako.

Sumu 91:10

palivi soka lo likakuŵiyanga, nanga nchiwawa kuti chifikenge pafupi ndi muzi wako cha.

Nthanthi 1:31

chifukwa cho ŵakarghanga chipasi cha nthowa yawo ndi kuŵa ŵakuguta ndi fundu za ŵeneko.

Nthanthi 1:33

kweni mweniyo wategherezga kwangu wakajanga pakukho ndipo wakaŵanga pa uyuyu, wambura kutenthema chiheni.”

Nthanthi 11:21

Uziŵiske, munthu muheni kuti walekengepo cha kulangika, kweni ŵeniwo mbarunji wakataskikanga.

Nthanthi 12:20

Kupusika kwe mu mtima waku wo ŵapanga uheni, kweni ŵeniwo ŵarongoso umampha ŵendi kukondwa.

Nthanthi 14:14

Munthu wakulandizga wakazazikanga ndi chipasi cha nthowa zake, ndipo munthu wamampha ndi chipazi cha nchitu zake.

Nthanthi 19:23

Kopa Ambuya kurongozge ku umoyo, ndipo mweniyo we nako waja ndi kukhorwa, kuti urwani ukamuziyanga cha.

Wakutaula 7:18

Nkhwamampha kuti uchikoreske ichi, ndipo ureke kutuzgapo janja lako paku cho; chifukwa yo watopa Chiuta wakatuwangmo mwaku vyo vyose.

Wakutaula 8:5

Mweniyo wavwiya langulu kuti wakumanenge ndi kakupweteka cha, ndipo mtima wa munthu wazeru ukaziŵanga nyengo ndi nthowa.

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

1 Petro 3:13

Ndipo njani yo wamchitiya imwe uheni, asani mupamphukiya cho nchamampha?

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.