Nthanthi 11:4 - Tonga Bible 1986

⁴ Mauromba kuti ghatanduwa cha mu zuŵa la ukari, kweni urunji upozomoska ku nyifwa.

Nthanthi 11:4 Iomraidhean Croise

Chiyambo 7:1

Ambuya anguti kwaku Nowa, “Ghe mu chombo ŵamu nyumba yako wose, pakuti ndawona kuti wemukongolekwa paurongo pangu mu mgonezi uwu.

Jobu 20:28

Usambasi wamu nyumba yake wose ukatorekanga vyose viphangikenge pa zuŵa la ukari waku Chiuta.

Nthanthi 10:2

Vyumba vyakusakatika ndi mphulupulu kuti vitanduwa kanthu cha, kweni urunji utaska ku nyifwa.

Nthanthi 12:28

Mu nthowa ya urunji mwe umoyo, kweni nthowa ya kunanga yilongozge ku nyifwa.

Nthanthi 6:34

Pakuti sanje yikalipiska ukongwa munthu, ndipo kuti wagowokenge cha wachichita thayu.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Ezekiele 14:14

inya, chingana yaŵa ŵanthu ŵatatu. Nowa, Danyele, ndi Jobu ŵenga mwenimo ŵatine ŵataskenge maumoyo ghaku iwo ŵeneko pe kwakulingana ndi urunji wawo, atiti Ambuya Chiuta.

Ezekiele 7:19

Ŵapong'a siliva wawo mu ŵagurwi, golide wawo waŵa nge nchinthu cha mwikhu; siliva wawo ndi golide wawo kuti viziŵa kuŵataska cha mu zuŵa la ukari wa Ambuya; kuti ŵaziŵa ku mariska nja yawo pamwenga kugutiska navyo chifu chawo cha. Chifukwa kubende kwawo kwaŵaŵiya chiguŵisku.

Zefaniya 1:18

Chingana ndi siliva pamwenga golide wawo kuti viŵenge ndi nthazi cha kuŵataska mu zuŵa la ukari wa Ambuya. Mu moto wa ukari wa sanji yawo, charu chose chifyenge; ndipo amarizgenge ruŵiruŵi wose wo ŵaja mu charu.

Mateyu 16:26

Chifukwa kumovyengenji munthu, asani wanganduwa charu chose, kweni wataye umoyo wake? Pamwenga munthu wapaskenge chine nge ndi maronda gha umoyo wake?

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

ŴaRoma 5:17

Chifukwa asani, ndi ubudi waku yo yumoza, nyifwa yinguwusiya mwaku yo yumoza; ukongwa kwakuruska wo ŵaronde ufurwi wo wa wezi ndi wampasku wa urunji, ŵausiyenge mu umoyo mu yumoza yo, Yesu Kristu.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.