Nthanthi 10:9 - Tonga Bible 1986

⁹ Mweniyo watenda mu ukongorekwa watenda ndi kuvikirika kweni wanyongoroska nthowa zake wabowozgekenge.

Nthanthi 10:9 Iomraidhean Croise

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Jobu 8:20

“Wona, Chiuta kuti wakakananga munthu murunji cha, pamwenga kuŵawovya ŵakuchita uheni.

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Sumu 25:21

Rekani ukongorekwa ndi kunyoroka vindisungirizge, chifukwa ndilindizga imwe.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Nthanthi 17:20

Munthu wa maghanughanu gha kubende kuti wasakata cha, ndipo mweniyo wendi lilime lakulandizga watuŵa mu suzgu.

Nthanthi 26:26

chingana kutinkha kwake kwabisika ndi uchenjezi, mphulupulu yake yikavumbulikanga pa unganu.

Nthanthi 28:1

Ŵamphulupulu ŵathaŵa penipo palivi mweniyo watuŵadikiska, kweni ŵarunji mbakukhwima mtima uli ndi nkharamu.

Nthanthi 28:18

Mweniyo watenda muukongorekwa wakataskikanga, kweni mweniyo ngwakulandizga mu nthowa zake wakawanga mu zenje.

Nthanthi 3:23

Po ndipo ukendanga mu nthowa yako wakuvikirika ndipo lundi lako kuti likaguŵanga cha.

Mateyu 10:26

“Viyo mungopanga wo cha: chifukwa palive kakuvunikirika ko karekenge kuvunulika; ndi kakubisika ko karekenge kuziŵikwa.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

1 Timote 5:25

Kwakulingana nako kwe nchitu zeneko zo ziwoneke limu, ndipo nanga zambura kuwoneka zo kuti zingaziŵa kubisika cha.