Nthanthi 10:4 - Tonga Bible 1986

⁴ Janja lakutomboloka lipaska ukavu kweni janja la warwana liremereska.

Nthanthi 10:4 Iomraidhean Croise

Chiyambo 26:32

Zuŵa leniliya ŵaŵanda ŵaku Yisaki ŵanguza ndi ŵangumunene gha chisima cho ŵangukumba, ndipo wanguti kwaku iyo, “Taghasaniya maji.”

Nthanthi 10:5

Mwana yo wawunjika mu chihanya ngwazeru, kweni mwana mweniyo wagona pa chivuna walengeska.

Nthanthi 11:24

Munthu yumoza wapaska kwa wanangwa, kweni vyose vikuwa kusambasa ukongwa; munyake wakaniriya chenicho wangapaska, ndipo wakomwa vichimusoŵa.

Nthanthi 12:24

Janja la wakutakataka likausanga, penipo mukata wakaŵikikanga ku nchitu yakuchizgika.

Nthanthi 12:27

Munthu mukata kuti wakayikonga cha nyama yake, kweni munthu wakutakataka yo wakalondanga chuma chakuzirwa.

Nthanthi 13:4

Mzimu wa mukata upemphapempha ndipo kuti uronde kanthu cha, penipo mzimu wa wakutakataka upaskika usambasi.

Nthanthi 18:9

Mweniyo ngwakudembeleka munchitu yake ndi mwana munyake waku yo waparghang'a.

Nthanthi 19:15

Ukata utaya mutulo tuzitu, ndipo munthu mulesi wakakomwanga ndi nja.

Nthanthi 19:24

Mukata wabizga janja lake mu mbali ndipo kuti wakaliwezgiyanga ku mlomo nako cha.

Nthanthi 20:13

Reka kwanja tulo vinu ungaza ku ukavu; jura maso ghako ndipo ukaŵanga ndi kurgha kunandi.

Nthanthi 20:4

Mukata kuti walima pa chihanya cha, wakapenjanga pakuvuna ndipo wakaŵangavi kanthu.

Nthanthi 21:5

Maghanoghano gha wakutakataka kwakuneneska ghalongozge ku vyakuzala, kweni we yose mweniyo ngwakufulumiya wafikiya waka ku vyakusoŵa.

Wakutaula 10:18

Chifukwa cha ukata bagha livunda, ndipo chifukwa cha ulesi wa manja nyumba yisuluwa.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.