Nthanthi 10:22 - Tonga Bible 1986

²² Chitumbiku cha Ambuya chisakatiska, ndipo kuti asazgiyako chitima cha kwaku cho.

Nthanthi 10:22 Iomraidhean Croise

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 13:2

Sono Abramu wangusambasa ukongwa mu ng'ombe, mu siliva, ndi mu golide.

Chiyambo 14:23

kuti ndikatonga kauzu, pamwenga kakumangiya viyato cha; chingana ndi chose cho nchako cha, vinu unganena kuti, ‘Ndamusambaska Abramu.’

Chiyambo 24:35

Ambuya atumbika ukongwa mbuya wangu, ndipo waŵa mkuru; amupaska viŵeto ndi ŵaliska, siliva ndi golide, ndrama zinandi, waŵanda ŵanthurumi ndi ŵaŵanda ŵanthukazi, ŵagamila ndi zimbunda.

Chiyambo 26:12

Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

Chiyambo 26:13

ndipo uyu munthu wangusambasa, ndipo wangusakatiyapo so vinyake ndi vinyake, mpaka wanguŵa muromba ukongwa.

1 ŴaKaronga 21:19

Ukanene kwaku iyo, ‘Viyo atiti Ambuya, “Kumbi wabaya ndi kuphanga so?” ’ Ndipo ukanene, kuti, ‘Viyo atiti Ambuya, “Mu malo mwenimo ŵagaru ŵanyanganga ndopa zaku Naboti, ndimu so ŵagaru ŵakanyanganga ndopa zako.” ’ ”

1 Mikoka 4:10

Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.

2 Mikoka 25:9

Ndipo Amaziya wanguti ku munthu waku Chiuta, “Kweni tikachitanga chine ndi matalente gha siliva machumi pe chumi (100) gho ndapaska ku ŵankhondo ŵaku Yisraele?” Munthu waku Chiuta wangwamuka, kuti, “Ambuya aziŵa kukupaska matalente ghanandi kwakuruska yagha.”

2 Mikoka 32:27

Hezekiya wenga ndi usambasi unandi kwakuruska, ndi ulemu, wangujizenge vyakusungiyamo siliva ndi vya golide, ndi vya mya yakuzirwa, ndi vya chema, ndi vya nguru, ndi vya vitoweru vyose vyamtundu mtundu;

2 Mikoka 32:29

Wanguzenga so mizi ndi miskambu ya vyakuŵeta, chifukwa Chiuta wangumpaska vyuma vinandi.

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Sumu 127:2

Nkhwaŵaka kuyuka ndi mlenji ndi kuswera pakugona, kutakataka ukongwa chifukwa cha kurgha; chifukwa Ambuya apaska chipumulu kwaku ŵeniwo atanja.

Sumu 37:22

Ŵakutumbikika ndi Ambuya ŵakaharanga charu, kweni ŵakutembeka ndi iwo ŵakadumulikanga.

Nthanthi 14:24

Chisoti cha ŵazeru ndi zeru yawo, kweni kupusa nkhuvwala kwa ŵakupusa.

Nthanthi 20:21

Chihara chakuchitole mu ruŵi pakudanga pavuli kuti chitumbikikenge cha.

Nthanthi 28:22

Munthu wakunweka chuma watinthimikiya usambasi; ndipo kuti waziŵa cha kuti ukavu ukamuziyanga.

Nthanthi 8:21

kupaska ulemelelo kwaku ŵeniwo ŵatindanja, ndi kuzaza mbiku zawo.

Danyele 1:15

Pa umari wa mazuŵa chumi limoza (10), kungusanirika kuti kawonekedu ka visku vyawo kenga kamampha ndi ŵakututuŵa liŵavu kuruska ŵanyamata ŵanyawo wose wo ŵangurgha kurgha kwa karonga.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Marangu 26:10

Ndipo ehe, sono ndituza ndi vipasi vyakudanga vya mu munda wo imwe Ambuya mwandipaska.’ Ndipo mukaviŵikanga pasi paurongo pa Ambuya Chiuta winu;

Marangu 28:11

Ndipo Ambuya akamusambaskaninga ndi vipasi vya liŵavu linu, ndi vipasi vya ng'ombe zinu, ndi vipasi vya nyata yinu, mu charu cho Ambuya angurapiya ku auskemwe kumupaskani.

Yoswa 6:18

Kweni imwe, mujipatuweko ku vinthu vyo vyapaskika ku wanangiku, vinu kokuli mutakuti mwavipaska mungatopo cha chechose cha vinthu vyo vya paskika, kuti muchitiske ugoŵi wa ŵaYisraele chinthu chakubwangandulika, ndi kutole suzgu paku wo.