Nthanthi 1:22 - Tonga Bible 1986

²² “Mpaka zuŵanji, mwaŵana, mwanjenge vya chiwanamana? Mpaka zuŵanji ŵakutafura ŵakakondwerenga mu kutafura kwawo ndi ŵakupusa kutinkha zeru?

Nthanthi 1:22 Iomraidhean Croise

Jobu 34:7

Ndiyani munthu yo wayana ndi Jobu, yo watumwa chakurgha nge ndi maji,

Sumu 1:1

Wakutumbikika ndi munthu yo kuti watenda mu fundu ya ŵaheni cha, ndi mu nthowa ya ŵakunanga kuti watuma cha, nanga ndimukuteka kwa ŵakuyeya kuti wajamo cha.

Sumu 94:8

Mwa ŵanthu ŵangu, nkhupusa uli kwa uzereza ko mweneko? Ndizuŵanji mukaŵanga ndi vinjeru?

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Chituwa 16:28

Ndipo Ambuya anguti kwaku Mosese, “Mpaka zuŵanji mweche kukana kusunga malangulu ghangu ndi marangu ghangu?

Nthanthi 1:21

pa vimati pachanya chiliya pakweru; pa kuserere pa malikomo gha msumba chirongoro,

Nthanthi 1:29

Chifukwa ŵangutinkha zeru ndipo kuti ŵangusankha kopa Ambuya cha,

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Nthanthi 1:4

Alinga kuti ŵakuzimbwa ŵapaskike zeru zeru ndi maghanoghano ku ŵampupuka,

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Nthanthi 14:6

Wakunyoza wapenja kwa waka zeru, kweni chinjeru nchiyuyu ku munthu wakuwamo.

Nthanthi 15:12

Wakunyoza kuti wakhumba kuchenyeka cha; kuti wakhumba kuya ku wazeru cha.

Nthanthi 19:29

Kususkika kulindizga wakunyoza, ndi kukhwechuwa nkhwa ku musana kwa ŵabereŵeza.

Nthanthi 21:11

Penipo wakunyoza walangika, wauliuli watuŵa wa zeru, penipo munthu wazeru wasambizgika, watanduwa chinjeru.

Nthanthi 21:24

“Wakunyoza” ndi zina lawakujikuzga, munthu wakujikuzga mweniyo wachita ndi kujikuzga kwakujirumba.

Nthanthi 22:3

Munthu wakuphwere wawona urwani ndipo wabisama; kweni munthu wauliuli wakiyakiya, ndipo wakomwiyapo.

Nthanthi 3:34

Ku ŵakuyeya, iyo ngwakuyeya, kweni ku ŵakujiyuyuwa walongo mwaŵi.

Nthanthi 5:12

ndipo mukakambanga, “Bama mo ndingutinkhiya kuvwiya, ndipo mtima wangu unguyeya kuchenjezga!

Nthanthi 6:9

Mpaka zuŵanje ukagonanga penipo, wamulese we? Ndi zuŵanje po uyukiyenge mu tulu?

Nthanthi 7:7

ndipo ndawona mukati mu ŵampupuka, munyamata wambura chinjeru,

Nthanthi 8:5

Mwaŵampupuka sambirani kuphwere, mwaŵanthurumi ŵakupusa ŵikanipo mtima.

Yeremiya 13:27

Ndaghawona maukazuzi ghako, maureŵi ghako ndi kulampha-lampha kwako, uyagha-yagha wako wa ureŵi, pa mapiri ndi mu minda. Soka kwaku iwe, Yerusalemu! Kwakujariya mazuŵa ghalinga po wenga undatozgeke?”

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Mateyu 17:17

Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Luka 19:42

wakuti, “Mphanyi unguziŵa mu zuŵa lenili, iwe nawe, vya ku chimangu! Kweni sono vyabisika ku maso ghako.

Yohane 3:20

Pakuti yose wakuchita uheni watinkha Kungweruka ndipo kuti watuza ku Kungweruka ko cha, vinu nchitu zake zingasuskika.

2 Petro 3:3

Ziŵani danga chenichi, kuti mu mazuŵa ghakumariya ŵakutoza ŵakaziyanga mu mtonyoru, ŵakwenda kwakuyana ndi malikhumbira gha ŵenecho, ndi kunena,

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.