Nehemiya 9:2 - Tonga Bible 1986

² Ndipo ŵaYisraele ŵangujipatuwako ku ŵalendo wose, ndipo ŵanguma kuzomera maulakwi ghawo ndi maubudi gha auskeu.

Nehemiya 9:2 Iomraidhean Croise

1 ŴaKaronga 8:47

ndipo asani ŵaghanaghana mu mtima po ŵe ku charu cho ŵayorekiyako ndipo ŵang'anamuka, ndi kuŵeyere kwaku imwe mu charu cha ŵakuŵayora, kuti, ‘Talakwa, tachita kwa ubereŵeza ndi kwa kwananga’;

Ezra 10:11

Zomerani sono ku Ambuya Chiuta wa ŵambuyafwe, ndipo muchite chakumkondweska; mujigawuwe ku ŵeneko charu ndi ku ŵanthukazi ŵachilendo.”

Ezra 6:21

phaska lingurghika ndi ŵaYisraele wo ŵanguwe ku umkoli ndipo so ndi wose wo ŵangubatikana nawo kujipatuwa ku ukazuzi wa ŵamitundu mu charu, kusopa Ambuya Chiuta waku Yisraele.

Ezra 9:1

Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Ezra 9:2

Chifukwa ŵato ŵanyake ŵa ŵana ŵanthukazi kuŵa ŵawoli ŵawo, ndi ŵawoli ŵa ŵana ŵawo ŵanthurumi: viyo mtundu wakupaturika watimbanizgika ndi ŵeneko ŵacharu, ndipo janja la ŵaraŵara ndi zinduna ndilo lakuwa mu kunanga uku.”

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Nehemiya 10:28

Ŵanthu wose ŵanyake, ŵazukuru ŵaLevi, ŵasungi malikomo, ŵakumba, ŵateŵeti ŵa kasopi, ndi wose ŵeniwo ŵajipatuwako ŵeneko ku ŵanthu ŵa charu cho kuza ku dangu laku Chiuta, ŵawoli ŵawo, ŵana ŵawo ŵanthurumi, ŵana ŵawo ŵanthukazi, wose ŵeniwo ŵendi zeru ndi kuwamo,

Nehemiya 10:29

ŵasere kuŵa pamoza ndi ŵabali ŵawo, ŵaraŵara ŵawo ndipo ŵasere muthembu ndi rapu kwachenda mu dangu laku Chiuta lenilo lingupaskika ndi Mosese mteŵeti waku Chiuta, kuphwere kuchita malamulu gha Ambuya widu ndi malangulu ghake ndi vyeruzgu vyake.

Nehemiya 13:3

Penipo ŵanthu ŵanguvwa dangu lo ŵanguŵapatuwako kwaku Yisraele wose wo ŵangupapika kunyake.

Nehemiya 13:30

Viyo ndinguŵatozga ku che chose cha chilendo, ndipo ndinguchitiska zinchitu za ŵazukuru ndi ŵaLevi, we yose mu nchitu yake;

Sumu 144:11

Nditaskeni ku lipanga likari, ndiwomboni ku janja la ŵalendo, ŵeniwo kuti ŵakamba uneneska cha, wo janja lawo la marghe ndi janja la marghe la utesi.

Sumu 144:7

Kutuwa kuchanya tambaruwani janja linu, ndituzgeni mu ndimba ya maji, ndinditaskeni; ndipozomoskeni ku janja la ŵalendo,

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Yesaya 2:6

Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.

Yeremiya 14:20

Tizomera maulakwi ghidu, Ambuya mwe, ndi uheni wa auskefwe pakuti takulakwiyani imwe.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Danyele 9:20

Ndeche kukamba ndi kuromba, kusumuwa ubudi wangu ndi ubudi wa ŵanthu ŵangu ŵaYisraele, ndi kupereka kuŵeyere kwangu paurongo pa Ambuya Chiuta wangu chifukwa cha phiri lakupaturika laku Chiuta wangu;

Hoseya 5:7

Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.