Nehemiya 8:7 - Tonga Bible 1986

⁷ Ndipo Yeshua, Bani, Sherebiya, Jamini, Akubu, Shabatai, Hodiya, Maseya, Kelita, Azariya, Yozabadi, Hanani, Pelaya, ŵaLevi, ŵangovya ŵanthu kuwamo dangu, penipo ŵenga ŵeche mu malo ghawo.

Nehemiya 8:7 Iomraidhean Croise

1 ŴaKaronga 8:14

Sono karonga wangulereska uku ndi uku, ndipo wangutumbika umba wose wa ŵaYisraele, panyengo yo umba wose unguma phorokotu.

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

2 Mikoka 35:3

Ndipo wanguti ku ŵaLevi wo ŵasambizganga Yisraele yose, wo ŵenga ŵakupaturikiya ku Ambuya, wanguti, “Ŵikani bokosi lakupaturika mu nyumba yo Solomoni mwana waku Davidi, karonga waku Yisraele wanguzenga; lireke kuŵa katundu pa maphewa ghinu sono. Sono tatariyani Ambuya Chiuta winu, ndi ŵanthu ŵake wose ŵaYisraele;

Ezra 8:18

Viyo ndi janja lamampha laku Chiuta paku ifwe ŵangutiziya nayo munthu wa vinjeru, wa ŵina Mahili mwana waku Levi mwana waku Yisraele, zina lake Serebiya, pamoza ndi ŵana ŵake ndi ŵabali ŵake ndi ŵana ŵawo chumi limoza pachanya ŵankhonde ndi ŵatatu (18);

Nehemiya 10:18

Hodiya, Hashumi, Bezai,

Nehemiya 10:2

Seraya, Azariya, Yeremiya,

Nehemiya 11:16

ndi Shabetai ndi Yozabada, wamu ŵaraŵara, ŵa ŵaLevi; ŵeniwo ŵatufuliyanga nchitu ya kubwalo ya nyumba yaku Chiuta;

Nehemiya 11:19

Ŵasungi malikomo: Akubu, Talmoni ndi ŵabali ŵawo, ŵeniwo ŵalondanga pa malikomo, ŵenga machumi pe chumi ndi machumi ghankhonde ndi ghaŵi pachanya ŵaŵi (172).

Nehemiya 12:33

ndi Azaria, Ezra, Meshulama,

Nehemiya 3:17

Ŵakundondoloska iyo ŵenga ŵaLevi ŵangulongoso: Rehumu mwana waku Bani: wakulungako ndi Hashabai mweruzgi wa chigaŵa chimoza charwandi cha Keila wangurongosole charu chake.

Nehemiya 3:19

wakundondoloska iyo ndi Ezere mwana waku Yeshua, mweruzgi wa Mizpa wangulongoso chigaŵa chinyake chakuthyana ndi ku ukweru waku vidya vya nkhondo pa chingodya.

Nehemiya 3:23

Ŵakundondoloska paku iwo ŵenga Benjamini ndi Hashaba wangulongoso pakuthyana ndi nyumba yawo. Wakundondoloska pavuli paku wo Azariya mwana waku Meseya, mwana waku Ananiya wangulongoso pafupi ndi nyumba yapa mtima wake.

Nehemiya 8:12

Ndipo ŵanthu ŵanguruta kwawo kwachirgha ndi kumwa ndi kwachituma vinyake ndi kwachichita chimwemwe chikuru, pakuti ŵanguwamo mazu gho ghangutaulika kwaku iwo.

Nehemiya 8:4

Ezra mlembi yo wanguma pa chiguŵa cha miti cho ŵangulongosore mlimu wenuwu, ndipo pamoza nayo panguma Matatiya, Shema, Anaiya, Uriya, Hilkiya, ndi Maseya ku janja lake lakurghiya, ndi Pedaya, Mishaele, Malkiya, Hashumu, Hashabadani, Zekariya, ndi Meshulama ku janja lake la maze.

Nehemiya 8:6

Ndipo Ezra wangutumbika Ambuya Chiuta mura; ndipo ŵanthu wose ŵangwamuka, “Ameni, Ameni,” ŵangusoska manja ghawo; ndipo ŵanguŵerama mitu yawo ndi ŵangusopa Ambuya ndi visku vyawo kavunama pasi.

Nehemiya 8:8

Ndipo ŵanguŵerenga khwerukhweru mu buku lo vya mu dangu laku Chiuta, ndipo ŵanguŵabanuwa chinjeru viyo kuti ŵanthu ŵanguwamo vyo vinguŵerengeka.

Nehemiya 9:3

Ndipo ŵanguma mu malo ghawo ndi ŵanguŵerenga mu buku la dangu la Ambuya Chiuta wawo chigaŵa chimoza cha vinayi pa zuŵa; pa chigaŵa chinyake cha vinayi vyo ŵanguzomera ndi kusopa Ambuya Chiuta wawo.

Nehemiya 9:4

Pa viguŵa vya ŵaLevi panguma Yeshua, Bani, Kadmieli, Shabania, Buni, Sherebiya, Bani ndi Chenani, ndipo ŵanguliya kwakubongo ku Ambuya Chiuta wawo.

ŴaLevi 10:11

Ndipo mukasambizganga ŵaYisraele malamulu ghose gho Ambuya akukamba kwaku wo mwaku Mosese.”

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Marangu 33:10

Ŵakarunguchizganga Yakobe vyeruzgu vinu ndi Yisraele dangu linu, wakaperekanga vya chema paurongo pinu ndi sembe yose yakocha pa jochero linu.