Nehemiya 4:2 - Tonga Bible 1986

² Ndipo wanguti paurongo pa ŵabali ŵake ndi paurongo pa liŵanja la nkhondo la Samaria, “Ŵachitanji yaŵa ŵaYuda ŵakutomboloka? Kumbi ŵakawerezgiyangamo vinthu? Kumbi ŵakaperekanga mpasku? Kumbi ŵakamalanga kuchita pa zuŵa limoza? Kumbi ŵakawunjikanga so mya kuyituzga mu zindundu za kuviza, ndi yo yikufya mwenimo?”

Nehemiya 4:2 Iomraidhean Croise

Ezra 4:4

Ndipo ŵanthu ŵamu charu ŵangutomboroska manja gha ŵaYuda, ŵanguŵatenthemeska ŵachizenga.

Nehemiya 12:27

Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.

Nehemiya 12:43

Ndipo ŵangupereka sembe zikuru zuŵa leniliya ndi ŵangukondwere, pakuti Chiuta wanguŵakondweska ndi likondwa likuru; ŵanthukazi ndi ŵana nawo ŵangukondwere. Ndipo likondwa la Yerusalemu linguvwika kutari ukongwa.

Nehemiya 4:10

Kweni Yuda wanguti, “Kulimba kwa ŵakunyamuwa mphingu kutomboloka, ndipo pe viswaswa vinandi: kuti tingaziŵa kutata umampha pa linga ili cha.”

Nehemiya 6:15

Viyo linga lingumara pa zuŵa la machumi ghaŵi la mwezi wa Elulu mu mazuŵa machumi ghankhonde pachanya mazuŵa ghaŵi (52).

Sumu 83:4

Ŵatiti, “Zaninga, tiyeni tiparghang'e mtundu wawo, alinga kuti Yisraele wareke kukumbukika muyaya!”

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 33:24

“Kumbi ulivi kuteska chenicho ŵakamba ŵanthu yaŵa, kuti, ‘Kumbi Ambuya ataya mbumba ziŵi zo ŵangusankha?’ Viyo ŵanyoza ŵanthu ŵangu, kuti nge ndi mtundu so cha mu maso ghawo.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.

Zekariya 12:8

Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Zekariya 4:10

Chifukwa yose yo wanguyeya zuŵa la tunthu tumana wakasekeriyanga, ndipo wawonenge chingwi chakupimiya cha muzengi mu janja laku Zerubabele. “Yagha ghankhonde ndi ghaŵi ndi maso gha Ambuya gho ghalereska mu charu chose chapasi.”

1 ŴaKorinte 1:27

kweni Chiuta wasankha vyakupusa vya charu, alinga kuti waŵalengeske ŵazeru; ndi vyakutomboroka vya charu wasankha Chiuta, alinga walengeske vyanthazi,