Nehemiya 13:12 - Tonga Bible 1986

¹² Sono ŵaYuda wose ŵanguza ndi vya chichumi vya kurgha, vinyo, ndi mafuta mu nyumba zambiku.

Nehemiya 13:12 Iomraidhean Croise

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Nehemiya 12:44

Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

Marangu 14:22

“Muperekenge chachichumi cha vipambi vya mbeu yinu vyenivyo vituwa mu munda, virimika vyose.

ŴaLevi 27:30

“Msonkho wose wa chichumi cha vyamu charu, manyi ngwa mbeu yamu minda, pamwenga wa vipasi vya miti, ngwa Ambuya; ngwakupaturika ku Ambuya.

2 Mikoka 31:5

Sosonukweni langulu linguti lawandiskika kose-kose, ŵaYisraele ŵangupereka vuna ya trigu yinandi yakudanga, vinyo, mafuta, uchi, ndi vyose vyakutuwa mu minda, ndipo ŵangupereka vya chichumi vinandi ukongwa.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

2 Mikoka 31:4

Ndipo so wangulanguliya ŵanthu wo ŵajanga mu Yerusalemu kupereka phande lakwenere ŵazukuru ndi ŵaLevi mwakuti ŵajipereke ku dangu la Ambuya.