Nehemiya 1:7 - Tonga Bible 1986

⁷ Tachita kwakuwo ukongwa paku imwe, ndipo kuti tisunga marangu cha, nanga ndi malangulu ndi vyeruzgu vyo mungulanguliya Mosese mteŵeti winu.

Nehemiya 1:7 Iomraidhean Croise

1 ŴaKaronga 2:3

ndipo usunge dangu la Ambuya Chiuta wako, kwenda mu nthowa zake, ndi kusunga marangu ghake, malangulu ghake, vyeruzgu vyake, ndi visimisimi vyake, nge ndimo kwalembeke mu dangu laku Mosese, alinga kuti usakatenge mwaku chose cho uchita ndi kose ko urata;

2 Mikoka 25:4

Kweni kuti wangubaya ŵana ŵawo cha kwakuyana nge ndimo kukukembeke mu dangu, mu buku laku Mosese, mwaku lo mukulembeka kuti, “Auskeu kuti ŵakabayikanga cha chifukwa cha ŵana, pamwenga ŵana kuti ŵakabayikanga cha chifukwa cha auskeu, kweni munthu yose wakafwanga chifukwa cha uheni wake.”

2 Mikoka 27:2

Ndipo wanguchita cho chenga chakurunjika pa maso gha Ambuya kwakuyana ndi vyose vyo wiske Uziya wanguchita, kweni kuti wangusere mu kasopi wa Ambuya cha. Kweni ŵanthu ŵangurutiriya mukuchita uheni.

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Sumu 106:6

Mo ŵangulakwiya auskefwe, nafwe talakwa; taŵa ŵakwananga ndi ŵamphurupuru.

Sumu 89:31

asani ŵakaswanga malangulu ghangu ndi kureka kusunga marangu ghangu,

Sumu 89:32

penipo ndipo ndikaŵalanganga chifukwa cha uheni wawo; ndikaŵakwechuwanga chifukwa cha kunanga kwawo.

Yesaya 1:4

Owe, khamu la kulakwa, ŵanthu ŵakuzazika uchikanamarangu, mphapu ya ŵakuchita uheni, ŵana ŵakuchita vya wiyu. Ŵajowo Ambuya, ŵayuyuwa Mtuŵa yo waku Yisraele, ŵasanduka ŵalendo.

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Danyele 9:13

Nge ndimo kukurembeke mu dangu laku Mosese, soka lose ili laza paku ifwe, kweni tilivi kuromba lisungu la Ambuya Chiuta widu, kujiwezga ku uchikana marangu widu, ndi kuvwiya uneneska winu.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

ŴaLevi 27:34

Yagha ndi marangu gho Ambuya angulanguliya Mosese ku ŵaYisraele pa phiri la Sinai.

Zefaniya 3:7

Ndinguti nadi, ‘Wakandiwopanga, wakalondiyanga visambizgu, kuti wakaruwanga cha vyose vyo ndamulanguliya. Kweni kwakuruska ukhumbiska kuvundiska milimu yawo.’

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”