Nehemiya 1:6 - Tonga Bible 1986

⁶ chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Nehemiya 1:6 Iomraidhean Croise

1 ŴaKaronga 8:30

Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

1 ŴaKaronga 8:47

ndipo asani ŵaghanaghana mu mtima po ŵe ku charu cho ŵayorekiyako ndipo ŵang'anamuka, ndi kuŵeyere kwaku imwe mu charu cha ŵakuŵayora, kuti, ‘Talakwa, tachita kwa ubereŵeza ndi kwa kwananga’;

2 Mikoka 28:10

Ndipo sono mukhumbakuŵathereska ŵanthu ŵaku Yuda ndi ŵaku Yuda ndi ŵaku Yerusalemu, ŵanthurumi ndi ŵanthukazi nge mbaŵanda ŵinu. Kumbi mulivi uheni imwe wo mwanangiya Ambuya Chiuta winu?

2 Mikoka 29:6

Chifukwa auskefwe ŵaŵa ŵambura magomekezgeka ndi ŵachita uheni pa maso gha Ambuya, Chiuta widu. Wamusiya iyo, ndi ŵang'anamuskiya visku vyawo kunyake kutuwa ku malo gha Ambuya, ndi ŵarazgako misana yawo.

2 Mikoka 6:40

Sono Chiuta wangu, ndimuŵeyani kuti maso ghinu ghajurike ndi makutu ghinu ghategherezge ku rombo lakuchitikiya mu malo yagha.

Ezra 10:1

Po Ezra wanguromba ndi kuzomera uheni, kuliya ndi kuwa pasi paurongo pa myumba yaku Chiuta, unguwungana kwaku iyo mzinda ukuru wa ŵanthurumi ndi ŵanthukazi ndi ŵana chifukwa ŵanthu ŵanguliya ukongwa.

Ezra 10:11

Zomerani sono ku Ambuya Chiuta wa ŵambuyafwe, ndipo muchite chakumkondweska; mujigawuwe ku ŵeneko charu ndi ku ŵanthukazi ŵachilendo.”

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Sumu 102:17

Akavwanga ŵanthu ŵawo ŵakupatika, ndipo akategherezganga ku rombu lawo.

Sumu 106:6

Mo ŵangulakwiya auskefwe, nafwe talakwa; taŵa ŵakwananga ndi ŵamphurupuru.

Sumu 130:2

Ambuya, vwani khuta yangu, tegherezgani makutu ku mdanu wakuŵeyere kwangu!

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Sumu 55:17

Ku mazulo, ku mlenji, ndi ku msana pakati ndidandaula ndi kutamantha, ndipo iyo wakavwanga mazu ghangu.

Sumu 88:1

Ambuya Chiuta, wa utaski wangu, msana ndi usiku ndabongore paurongo pinu.

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Chitenje 5:7

Auskefwe ndiwo ŵangulakwa, ndipo sono kuti mbamoyo cha kweni ifwe tinyamuwa uheni wawo.

Danyele 9:15

Sono, Ambuya Chiuta widu, imwe mungutuzga ŵanthu ŵinu mu charu cha Egipiti ndi janja lanthazi, mwajitore mbiri mpaka zuŵa lino; ifwe talakwa, tachita uheni.

Danyele 9:20

Ndeche kukamba ndi kuromba, kusumuwa ubudi wangu ndi ubudi wa ŵanthu ŵangu ŵaYisraele, ndi kupereka kuŵeyere kwangu paurongo pa Ambuya Chiuta wangu chifukwa cha phiri lakupaturika laku Chiuta wangu;

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

Danyele 9:5

tananga, tabuda, ndi kuchita ulakwi, tagaruka pakutuwamo mu marangu ghinu, ndi veruzgu vinu;

Danyele 9:8

Kwaku ifwe, Ambuya, ndi soni pa visku, ku ŵakaronga ŵidu, ku nduna zidu, ndi ku auskefwe, chifukwa tamunangiyani imwe.

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Luka 2:37

mweniyo so wenga choko cha virimika machumi ghankhonde ndi ghatatu pachanya vinayi, mweniyo kuti watuwangako ku kasopi cha, wakusopa ndi kufunga ndi maniniziku usiku ndi msana.

ŴaEfeso 2:3

mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

1 Timote 5:5

Kweni choko cheneko ndi chamasiya chigomekezga paku Chiuta, ndipo chijaririya mu maniniziku ndi mu marombo usiku ndi msana.

2 Timote 1:3

Ndimwonga Chiuta mweniyo nditeŵete kutuliya ku ŵaseku mu njuŵi yikhovu, kuti kwambura kulekezga ndikumbuka iwe mu maniniziku ghangu, ndawakunweka usiku ndi msama kukuwona,

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.