Nehemiya 1:4 - Tonga Bible 1986

⁴ Ndinguti ndavwa mazu yagha ndinguja ndi ndinguliya, ndipo ndingutenje mazuŵa ghanandi; ndipo ndingulutiriya kufunga ndi kuromba paurongo paku Chiuta wa kuchanya.

Nehemiya 1:4 Iomraidhean Croise

2 Samuele 12:16

Viyo Davidi wanguŵeyere Chiuta chifukwa cha mwana; wangufunga kurgha, wangusere ndipo wangugona pasi pa waka usiku wose.

2 ŴaKaronga 22:19

chifukwa mtima wako wenga wakuzomera, ungujiyuyuwa paurongo pa Ambuya, unguti wavwa mo ndingukambiya kumikana ndi malo yagha, ndi kumikana ndi ŵakujamo mwaku gho, kuti ŵakaŵanga mapopa ndi thembu ndipo iwe unguparuwa vivwaro vyako ndipo unguliya paurongo pangu, Ine nane ndakuvwa, atiti Ambuya.

2 Mikoka 6:13

Solomoni wanguzenga chiguŵa cha mkuŵa cho chenga mikono yinkhonde mu utali, mikono yinkhonde mu usani, ndi mikono yitatu mu wima, ndipo wanguchiŵika mukati mu bwalo, ndi wanguma paku cho, ndi wangujikama ndi makongono ghake pa maso pa mzinda wose wa ŵaYisraele, wangutambaluriya manja muchanya.

Ezra 1:2

“Viyo wanguti, Ine Sirusi karonga waku Perese ndititi, Maufumu ghose ghamu charu chapasi Ambuya Chiuta wa kuchanya wakundipaska. Sono wandinene kuti ndimuzenge nyumba mu Yerusalemu waku Yuda.

Ezra 10:1

Po Ezra wanguromba ndi kuzomera uheni, kuliya ndi kuwa pasi paurongo pa myumba yaku Chiuta, unguwungana kwaku iyo mzinda ukuru wa ŵanthurumi ndi ŵanthukazi ndi ŵana chifukwa ŵanthu ŵanguliya ukongwa.

Ezra 9:3

Ndinguti ndavwa ichi ndinguparuwa chivwaru changu ndi munjirira wangu, ndi kukuchuwa sisi laku mutu ndi mwembe, ndipo ndinguja pasi wambura nthazi.

Ezra 9:5

Ndipo pa sembe ya mazulo ndingusoka mu kusuzgika kwangu, vivwaro vyangu ndi munjirira wangu vinguparukaparuka; ndingujikama, ndingusoske manja ghangu kwa Ambuya Chiuta wangu

Nehemiya 2:20

Sono ine ndinguŵamuka, “Chiuta wakuchanya wakatipundiskanga ndipo ifwe taŵateŵeti ŵake tikapamphukanga nditikazenganga: kweni imwe mulivi phande pamwenga mazaza pamwenga chikumbusku mu Yerusalemu.”

Nehemiya 2:4

Sono karonga wanguti kwangu, “Cho upempha nchine?” Viyo ndingupempha kwaku Chiuta wakuchanya.

Sumu 102:15

Mitundu yikawopanga Ambuya; ŵakaronga wose ŵa charu chapasi ŵakawopanga mazaza ghinu.

Sumu 136:26

Wongani Chiuta wakuchanya; chifukwa nchamuyaya chifundu chake.

Sumu 137:1

Ku misinji yaku Babiloni, tinguja pasi ndipo tinguliya, tichikumbuka Zioni.

Danyele 10:2

Mu mazuŵa gho ine, Danyele, ndingutenje kwa ŵasabata ŵatatu.

Danyele 2:18

ndipo wanguŵanene kuromba lisungu laku Chiuta wa kuchanya, pa chamuchibisibisi ichi. Mwakuti Danyele ndi ŵamoza nayo ŵareke kubayikiya pamoza ndi ŵazeru ŵamu Babiloni.

Danyele 9:3

Viyo ndingurazga chisku changu kwa Ambuya Chiuta, kumufumba mu kuromba, ndi mu kuŵeyere, kufunga kurgha, ndi kuvwara chigudulu ndi kujidiriya choto.

Yona 1:9

Ndipo wanguti kwaku iwo, “Ndine mu Hebere ndipo nditopa Ambuya, Chiuta wa kuchanya, yo wakwata nyanja ndi mtunda.”

Zefaniya 3:18

Wakondwenge ndi iwe ndi kumba, nge mpha zuŵa la dghera.” “Ndituzgengeko phasulu kwako, mwakuti ureke kupinga lilengu chifukwa chake.

ŴaRoma 12:15

Kondwani pamoza ndi ŵakukondwa; tenjeni pamoza ndi ŵakutenje.