Nehemiya 1:2 - Tonga Bible 1986

² kuti Hanani, yumoza wa ŵabali ŵangu wanguza ndi ŵanthu ŵanyake kutuwa ku Yuda; ndipo ndinguŵafumba gha ŵaYuda wo ŵenga ŵachalipo ŵamoyo wo ŵanguthaŵa kuyoleke ku umkoli: ndi so gha Yerusalemu.

Nehemiya 1:2 Iomraidhean Croise

Chiyambo 14:10

Sono mu dambo la Sidimi munguŵa vibokuboku vya maziu; ndipo ŵachithaŵa ŵakaronga ŵa Sodomu ndi Gomora, ŵanyake ŵaku wo ŵanguwa mwaku vyo, ndipo wo ŵangujapo ŵanguthaŵiya ku phiri.

2 ŴaKaronga 24:14

Wanguruta ndi ŵanthu wose mu Yerusalemu, mafumu ghose, vinkhara vyose vyanthazi, vikwi chumi vya ŵamkoli, ŵamisiri wose ŵa vyakusema-sema, ndi ŵasuzi; pengavi wakujariva vuli, kweni ŵanthu ŵauli-uli ŵa charu cho ndiwo ŵangusiyika.

2 ŴaKaronga 25:12

Kweni nduna yo yingusiyamo ŵasauchi ukongwa mu charu cho kuti ŵaŵenge ŵakusunga minda ya mphereska ndi ŵakulima.

Ezra 9:14

kumbi tiswenge so marangu ghinu, ndi kutorana so ndi ŵanthu yaŵa ŵachita maukazuzi? Ndatinge mutikaripiyenge mpaka mutimari kuti paulevi wakujapo chingana ngwakutaskika?

Nehemiya 7:2

ndingupaska mwana munyangu Hanani mlimu wakuphwere Yerusalemu ndi Hananiya mumirizi wa nyumba ya ŵankhondo, pakuti iyo wenga munthu wamagomekezgeka ndi wakopa Chiuta kwakuruska ŵanandi.

Yeremiya 44:14

alinga kuti paulevi yumoza wa ŵakujapo ŵa ŵaYuda wo ŵakuza kuzachija mu charu cha Egipiti wakathaŵanga pamwenga kusiyikapo wamoyo pamwenga kuwere ku charu chaku Yuda, kwaku cho ŵanweka kuweriyako kwachija kweniko; chifukwa kuti ŵakawengako cha, kweni ŵanyake ŵakuthaŵa ndiwo.”

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.