Nehemiya 1:11 - Tonga Bible 1986

¹¹ Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Nehemiya 1:11 Iomraidhean Croise

Chiyambo 24:42

“Ndaza msana unu ku chisima, ndi ndinguti, ‘Ambuya, Chiuta wa mbuya wangu Abrahamu, asani sono mukasakatiskanga nthowa yo ndikamo,

Chiyambo 32:11

Ndipo zomsokeni, nditukupemphani, ku janja la muku wangu, ku janja laku Esau, pakuti nditumopa vinu wangaza ndi kutibaya tose ŵanyinawo ŵa ŵana ndi ŵana.

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Chiyambo 40:1

Yinguti yarutapo nyengo, pavuli paku ichi, wakupereka vinyo wa karonga wa Egipiti ndi wakubika wake ŵangunangiya mbuya wawo karonga wa Egipiti.

Chiyambo 40:2

Ndipo Farao wangukaripa ndi ŵanchitu ŵaŵi yaŵa, mura waŵakupereka vinyo ndi mura wa ŵakubika,

Chiyambo 40:21

Wanguwezge mura wa wakupereka vinyo kwake, ndipo iyo wanguŵika kapu waku Farao mu janja lake;

Chiyambo 40:23

Ndipuuli mura wa wakupereka vinyo kuti wangumukumbuka Yosefe cha kweni wangumuruwa.

Chiyambo 41:9

Sono wakupereka vinyo mura wanguti kwaku Farao, “Ndikumbuka ubudi wangu msana wale.

Chiyambo 43:14

Chiuta Wanthazi zose wakupaskeni lisungu paurongo paku yo munthu kuti wawezge kuno mwana munyinu munyake ndi Benjamini. Asani ndazingizgika ndi chitima chapa ŵana, ndazingizgika mbweno.”

2 Mikoka 6:40

Sono Chiuta wangu, ndimuŵeyani kuti maso ghinu ghajurike ndi makutu ghinu ghategherezge ku rombo lakuchitikiya mu malo yagha.

Ezra 1:1

Mu chirimika chakudanga chaku Sirusi karonga waku Perese, Ambuya angutuma Sirusi karonga waku Perese kuti wawandiske uthenga mu ufumu wake wose ndi kuti waulembe, mwakuti mazu gha Ambuya gho Yeremiya wangunena ghafiskike.

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Nehemiya 2:1

Mumwezi wa Nisani mu chirimika cha machumi ghaŵi cha karonga Arataserese pa nyengo vinyo wangurongosoleke paurongo pake, ine ndinguteŵete karonga vinyo. Ndipo ine ndengavi kuŵapo wa chisungu kale paurongo pa karonga.

Nehemiya 2:8

ndi kalata kwaku Asafi msungi wa lusuwa la miti la karonga kuti wakandipaske miti yakuchitiya mphanjizgu za malikomo gha linga la kasopi ndi za nyumba yo ndamujamo.” Ndipo karonga wangundipaska vyenivyo ndingupempha pakuti janja lawezi laku Chiuta wangu lenga paku ine.

Sumu 106:46

Angupaska mtima wa chitima kwaku wo ŵanguwako umkoli.

Sumu 130:2

Ambuya, vwani khuta yangu, tegherezgani makutu ku mdanu wakuŵeyere kwangu!

Sumu 61:5

Chifukwa imwe, A Chiuta mwavwa marapu ghangu, mwanditore mu chihara cha ŵakopa zina linu.

Sumu 86:6

Ambuya, tegherezgani ku rombu langu; avwani mazu ghakuŵeyere kwangu.

Nthanthi 1:29

Chifukwa ŵangutinkha zeru ndipo kuti ŵangusankha kopa Ambuya cha,

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Yeremiya 42:12

Ndikupaskeninga lisungu, kuti iyo wakuchitiyeni lisungu, ndi kumuzomerezgani kuja mu charu chinu.

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

ŴaHebere 13:18

Rombani pa chifwa chidu: pakuti tikopeka kuti te nayo njuŵi yamampha, taŵakukhumba mwaku vyose kuja umampha.