Mateyu 8:4 - Tonga Bible 1986

⁴ Ndipo Yesu wangunena nayo, “Awona, ungamunene yumoza cha; kweni kanga, kajirongo ku mzukuru, ndi upereke mpasku wo Mosese wangulanguliya, uli nchisimikizgu kwaku wo.”

Mateyu 8:4 Iomraidhean Croise

Yesaya 42:21

Ambuya angukondwa, chifukwa cha urunji wawo, kutumbika dangu lawo ndi kulikankhuska.

ŴaLevi 13:49

asani nthenda yirongo mtundu wa mphetamani uyera mu chakuvwara, pamwenga mu uzu wakumika pamwenga wakupinjika, pamwenga mu chikopa mu chinthu chose chakuchitika ndi chikopa, ndi nthenda ya makhate, ndipo yilongoreke ku mzukuru.

Mateyu 10:18

ndipo so ku zinduna ndi ŵakaronga mutolekiyenge pa chifwa chaku ine, kwachiŵiya iwo ndi ŵaMitundu chisimikizgu.

Mateyu 16:20

Sono wangulanguliya ŵasambizi ŵake kuti ŵangamunene yumoza cha kuti iyo ndi Kristu.

Mateyu 17:9

Ndipo ŵachisika ku phiri lo, Yesu wanguŵachinyiya, “Munganene yumoza cha chachiwona cho, mpaka penipo Mwana wa munthu wayuka ku ŵakufwa.”

Mateyu 3:15

Kweni wakwamuka Yesu wangumunene, “Inya kuŵi viyo: chifukwa nkwakwenere ifwe kufiska urunji wose.” Sono wangumzomerezga.

Mateyu 5:17

“Mungarunguruka cha kuti ndaziya kuzachinanga chilangulu cho chingana mbamchimi; kuti ndaziya kuzachinanga cha, kweni kuzachifiska.

Mateyu 6:1

“Cheŵani, mungachitiya urunji winu paurongo pa ŵanthu cha kwachiwoneka nawo: iku mphotu mulive ku Auskemwe ŵakuchanya.

Mateyu 9:30

Ndipo ghangujurika maso ghawo. Ndipo wanguŵachenjezga Yesu, wakuti, “Alereni kuti wangachiziŵa ichi yumoza cha.”

Marko 13:9

“Kweni juchenjeriyeni: chifukwa ŵakakombolenga imwe ku maupu; ndipo mukakwechulikanga mu masinagoge; ndipo paurongo pa mafumu ndi ŵakaronga mukamiyanga pa chifwa changu, uli nchisimikizgu kwaku wo.

Marko 3:12

Ndipo wangwalanguliya ukongwa kuti ŵangamuwandiskanga cha.

Marko 5:43

Ndipo wanguŵalanguliya ukongwa, kuti wangachiziŵa chenichi yumoza cha: ndipo wangukamba kuti kupaskike kurgha kwaku iyo.

Marko 6:11

Ndipo ku malo kose ko ŵareka kukurondeni, chingana nkhukuvwani, muchituwa kweniko, kung'unthani fuvu la kusi ku marwayo ghinu, nge nchisimisimi kwaku wo.”

Marko 7:36

Ndipo wanguŵachinyiya kuti ŵangachinene munthu cha: kweni mo mose wanguŵachinyiya iyo, iwo ŵakondeskanga ukongwa kwakuruska.

Marko 8:30

Ndipo wanguŵalanguliya kuti ŵangachinene yumoza cha vya paku iyo.

Marko 9:9

Ndipo wachisika ku phiri lo, wanguŵalanguliya kuti ŵangachineniyapo yumoza cha paku vyo ŵanguwona, mpaka penipo Mwana wa munthu wayuka ku ŵakufwa.

Luka 17:14

Ndipo wachiwona wanguti kwaku wo, “Kaninga, kajirongoni ku ŵazukuru.” Ndipo kunguŵa ŵachiruta iwo, ŵangutozgeka.

Luka 21:13

Vikaŵiyanga imwe nge mbukaboni.

Luka 4:41

Ndipo ŵademone nawo ŵatuwangamo mu ŵanandi, ŵakukambura ndi ŵakuti, “Iwe ndiwe Mwana waku Chiuta!” Ndipo wanguŵachenya, kuti waŵazomerezganga kurongoro cha, pakuti ŵamziŵanga kuti wenga Kristu.

Luka 5:14

Ndipo mweneko wangumlanguliya kunene chingana njumoza cha; kweni kanga, “Kajirongo ku mzukuru, ndi upereke mpasku pa chiphotoka chako, uli ndimo wangulanguliya Mosese, nge nchisimikizgu kwaku wo.”

Luka 8:56

Ndipo ŵapapi ŵake ŵanguzizwa: kweni wanguŵalanguliya kunene yumoza cha cho chinguŵapo.

Luka 9:21

Kweni iyo wanguŵachinyiya, ndipo wanguŵalanguliya kunene chenichi chingana nkhu yumoza cha;

Yohane 5:41

Unkhankhu kuti ndironde ku ŵanthu cha.

Yohane 7:18

Wakurongorore mu mazaza ghaku yija wapenja unkhankhu wapa mtima wake; kweni wakupenja unkhankhu wa wakumtuma, ndiyo mneneska, ndipo utesi mulive mwaku iyo.

Yohane 8:50

Ine kuti ndipenja unkhankhu wangu cha: walipo wakuwupenja ndi wakweruzga.