Mateyu 7:2 - Tonga Bible 1986

² Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Mateyu 7:2 Iomraidhean Croise

2 Samuele 21:5

Ŵangwamuka karonga, “Munthu yo wakutimara ndipo wangunozga kutiparghang'a, alinga kuti tiulevi malo mu chigaŵa chose cha Yisraele,

Sumu 109:17

Wangwanja kutemba, nayo watembeke! Wangukana kutumbika, nayo so paulevi wakumutumbika!

Chituwa 21:24

jiso ku jiso, jinu ku jinu, janja ku janja, rundi ku rundi,

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 51:24

“Ndikamuwezgiyanga Babiloni, ndi wose ŵakuja mu Kaldiya, uheni wose weniwo ŵakuchita mu Zioni imwe muchilereska, atiti Ambuya.

Obadiya 1:15

Chifukwa zuŵa la Ambuya laŵandika pa mitundu yose. Nge ndimo wachitiya, viyo ndimo kuchitikiyenge kwako, nchitu zako ziwezgeke pa mutu wako.

Mateyu 6:14

“Chifukwa asani mutiŵareke ŵanthu mamphuru ghawo ŵarekiyenge imwe so Auskemwe ŵakuchanya.

Marko 4:24

Ndipo wanguŵanene, “Chenjeni ndi cho mutuvwa: mu mwesu wo mutese, imwe namwe mwesekiyenge mwenimo, ndipo ukuskikiyengeko so kwaku imwe,

Luka 6:38

paskani, ndipo kupaskikenge kwaku imwe; mweso weneko, wakusindirika, ndi wakuyungunika, ndi wakufwapuka, ŵapaskenge mu chifuŵa chino chifukwa ndi mweso wo mutese, wesekiyenge so kwaku imwe.”

2 ŴaKorinte 9:6

Kweni chinichi kumbukani, yo wamija kwakudumbika-dumbika, kwakudumbika so wamvuna; ndipo yo wamija kwawanangwa, kwawanangwa so wamvuna.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

Ŵeruzgi 5:27

Wangudodome, wanguwa, wangumara mtima pa marundi ghake; pa marundi ghake wangudodome, wanguwa; penipa wangudodome wangufwiya penipo.

1 Samuele 15:33

Ndipo Samuele wanguti, “Nge ndimo lipanga lako lachitiskiya ŵanthukazi kuŵa ŵambura ŵana, viyo ndimu anyoko ŵaŵiyenge ŵambura mwana mukati mu ŵanthukazi.” Ndipo Samuele wangudumuwa Agagi tuvipitika paurongo pa Ambuya mu Gilgala.