Mateyu 6:2 - Tonga Bible 1986

² “Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Mateyu 6:2 Iomraidhean Croise

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Sumu 37:21

Muheni wakongora, ndipo kuti wawezga cha, kweni wakurunjika ngwa chifundu ndipo wapaska.

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Nthanthi 20:6

Ŵanthu ŵanandi ŵamemeza kujithereska kwa ŵeneko, kweni munthu wamagomekezgeka njani wangabowozga?

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Mateyu 15:7

Mwafuzi mwe, Yesaya wanguloske imwe umampha, wakuti,

Mateyu 16:3

Ndipo ndi mlenji, mutiti, ‘Le kuŵenge mphepu, chifukwa kuchanya kuŵisuka.’ Chisku cha kuchanya muziŵa kuteska, kweni visimikizgu vya zinyengo kuti muziŵa kuteska cha.

Mateyu 22:18

Kweni Yesu, pakuziŵa uheni wawo, wanguti, “Mutindesiyanji, mwaŵakufuvya?

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Mateyu 23:6

ndipo ŵatanja chakujapo chapachanya, pa madghera, ndi vitengo vyakudanga mu masinagoge,

Mateyu 24:51

Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:3

Kweni pakuchita iwe wezi, lingaziŵa cha janja lako la maze cho lichita janja lako lamarghe:

Mateyu 6:5

“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Mateyu 7:5

Wakufuvya iwe, tuzgamo danga munthambi wo we mu jiso lako, sono ndipo uwonenge umampha kutuzgamo kachipandi mu jiso la mbali wako.

Marko 12:39

ndi vitengu vyachimoza mu masinagoge, ndi malo ghachimoza mu madghera;

Marko 7:6

Ndipo wanguŵanene, “Yesaya wanguloske umampha ndi imwe mwafuzi, uli ndi mo kwalembeke, ‘Khamu lenili litindirumba ndi milomo yawo, kweni mtima wawo we kutari ndi ine.

Luka 11:41

Posepose paskani vyamkati nge ndi vyawezi, ndipo onani, vyose vikuŵiyani vyakuphotoleka.

Luka 11:43

Owe kwaku imwe, mwaŵaFarisi! Pakuti mutanja chitengu chachimoza mu masinagoge, ndi matauzgu mu mphara zo.

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Luka 12:56

Mwaŵakufuvya, chisku cha charu ndi cha kuchanya muziŵa kurozga; kweni mureka uli kuziŵa kurozga nyengo yeniyi?

Luka 13:15

Kweni Mbuya wangumwamuka ndi wanguti, “Mwaŵakufuvya, asi yumoza ndi yumoza waku imwe po Sabata wafwatuliya ng'ombe yake pamwenga mbunda yake ku murgheru, ndipo watiyirongozge kwachiyimweska?

Luka 20:46

“Mucheŵe ndi ŵalembi wo ŵakhumba kwendayenda mu makhanju, ndi ŵatanja matauzgu mu maluluwa gha maronda, ndi vitengu vyachimoza mu masinagoge ndi malo ghachimoza mu madghera;

Luka 6:24

“Kweni owe kwaku imwe mwaŵasambasi! Pakuti mwarondapo sangarusku linu.

Luka 6:42

Pamwenga unganene uli mbali wako, ‘Mbali, akha ndituzgi chipandi cha mujiso lako,’ penipo wamweni ulive kuona mthambi wamu jiso lako? Wakufuvya we, tuzgamu danga mthambi mu jiso lako, ndipo penipo wamwoneska kutuzga mu chipandi chamu jiso la mbali wako.

Yohane 13:29

Chifukwa ŵanyake ŵarungurukanga kuti, po Yuda wenga wakusunga chikwama, Yesu wamuneniyanga kuti, “Gulanga vyo tikavukiya ku dghera”; pamwenga, kuti wapaskeko kanthu ku ŵakavu.

Yohane 5:41

Unkhankhu kuti ndironde ku ŵanthu cha.

Yohane 5:44

Mungavwana uli imwe, mwaŵakuronderana unkhankhu, ndipo unkhankhu waku tuwa kwaku Chiuta yija kuti mutiwulemba cha?

Yohane 7:18

Wakurongorore mu mazaza ghaku yija wapenja unkhankhu wapa mtima wake; kweni wakupenja unkhankhu wa wakumtuma, ndiyo mneneska, ndipo utesi mulive mwaku iyo.

Machitidu gha Ŵakutumika 10:2

msopa, ndi wakopa Chiuta pamoza ndi nyumba yake yose, yo wachitiyanga khamu lo vyalisungu vinandi, ndi waninizikiyanga Chiuta rutaruta.

Machitidu gha Ŵakutumika 10:31

ndipo wali, ‘Kornelio, niniziku lako lavwika, ndipo vyakumbukika paurongo paku Chiuta vyalisungu vyako.

Machitidu gha Ŵakutumika 10:4

Ndipo iyo, pakumlereska dodoli, ndi pakuŵa wachitenthe, wanguti, “Nchine, Ambuya?” Ndipo wangumunene, “Maniniziku ghako ndi vyalisungu vyako vyakwera uli nchikumbusku paurongo paku Chiuta.

Machitidu gha Ŵakutumika 11:29

Ndipo ŵamu ŵasambizi, uli ndimo yumoza ndi yumoza wasakatiyanga, yose waku wo wanguteme chiteŵeta chitumike ku ŵabali ŵakuja mu Yuda;

Machitidu gha Ŵakutumika 24:17

Kweni pavuli pa virimika vinandi ndinguza wakupinga vyawezi ndi mipasku ku mtundu wangu.

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

ŴaRoma 12:8

pamwenga wakuchichizga, mu uchichizga wake; wakupaska vyawezi, mu wanangwa; wakuwusa mu phamphu; wakuchitiya lisungu, mu masangu.

1 ŴaKorinte 13:3

Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

ŴaGalatia 2:10

ndikweni ŵangu khumba kuti tiŵakumbuke ŵakavu; chenicho nacho ndingupamphuka kwachichita.

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.

1 ŴaTesalonika 2:6

chingana nkhuti tapenjanga unkhankhu ku ŵanthu cha, pamwenga kwaku imwe, pamwenga ku ŵanyake, chingana nge mbakutumika ŵaku Kristu tinguziŵa kujiŵangiya ulemu.

1 Timote 6:18

kuti ŵachite umampha, kuti ŵasambasiye mu nchitu zeneko, kuti ŵaŵe ŵapusu kupaska kwawezi, ndi wanangwa pakusangana;

Filemone 1:7

Chifukwa ndenga ndi chimwemwe chikuru ndi kusangaruka pa chanju chako, pakuti mitima ya ŵakupaturika yasisipuskikiya mwako, mbali.

ŴaHebere 13:16

Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

1 Samuele 15:30

Sauli wanguti, “Ndalakwa; kweni ndipuuli ndichitiyeni ulemu paurongo pa ŵara ŵa ŵanthu ŵangu ndi paurongo paku Yisraele, muŵe pamoza nane, mwakuti ndikasope Ambuya Chiuta winu.”