Mateyu 5:6 - Tonga Bible 1986

⁶ “Mbakutumbikika ŵakuvwa nja ndi nyota vya urunji: pakuti iwo ŵagutenge.

Mateyu 5:6 Iomraidhean Croise

Sumu 107:9

Agutiska wo ŵendi nyota, ndipo ŵanja atiŵazaza ndi vyamampha.

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 63:5

Mzimu wangu ukarghanga dghera, ndi kuguta, ndipo ndimbenge sumu zakukonda zakutumbika imwe.

Sumu 65:4

Ŵakukondwa mbeniwo imwe musankha, wo mutiŵajarika mumalo ghinu ghakupaturika! Tikakhorwanga ndi vyamampha vya mu nyumba yinu, vitumbiku vya mu nyumba yinu yakupaturika!

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Nthanthi 10:24

Chenicho watopa wamphulupulu chikazanga paku iyo, kweni chenicho wanweka murunji chikapaskikanga.

Nthanthi 21:21

Mweniyo wandondoloska urunji ndi wezi wasaniyenge umoyo ndi ulemu.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Yesaya 25:6

Pa phiri lenili Ambuya ŵa maŵanja akachitiyanga ŵanthu wose dghera la vyakututuŵa, dghera la vinyo wapa visika, la vinthu vyakututuŵa vya mafuta ghakubwituka, la vinyo pa visika vyakukung'untha umampha.

Yesaya 41:17

Penipo ŵasauchi ndi ŵasokwa ŵapenja maji, ndipo palivi, ndipo lilime lawo lomilwa ndi nyota, ine Ambuya ndiŵamukenge, ine Chiuta waku Yisraele kuti ndikaŵajowonga cha.

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Yesaya 65:13

Chifukwa chenichi atiti viyo Ambuya Chiuta: “Ehe, ŵateŵeti ŵangu ŵakarghanga, kweni imwe mukaŵanga ŵanja; ehe, ŵateŵeti ŵangu ŵakamwanga, kweni imwe mukaŵanga ŵanyota; ehe, ŵateŵeti ŵangu ŵakakondwanga, kweni imwe mukalengeskekanga;

Yesaya 66:11

alinga monkhe ndi kukhorwa ndi naŵe gha ghasangaruska, kuti mumwe ukongwa ndi kukondwa kwakutuwa ku kuzala kwa unkhankhu wake.”

Yeremiya 31:25

Pakuti ndikagutiskanga mzimu wakuvuka, ndi mtima wose wakuvuka ndikawukhorweskanga.”

Luka 1:53

Anja waguska vyamampha; ndipo ŵasambasi wadika ŵambughuya.

Luka 6:21

“Mwe ŵamwaŵi mwaŵanja sono; pakuti mugutiskikenge. “Mwe ŵamwaŵi ŵakuliya sono; pakuti musekenge.

Luka 6:25

“Owe kwaku imwe mwaŵakuguta sono! Pakuti mufwenge ndi nja. “Owe, mwaŵakuseka sono! Pakuti mutenjenge ndi muliyenge.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

Yohane 7:37

Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Chivumbuzi 7:16

Kuti ŵafwenge msara so cha, chingana nkhuti afwenge nyota so cha; chingana nkhuti dazi lo lingaŵapweteka so cha, chingana nchifundizi chose chakocha cha.