Mateyu 5:16 - Tonga Bible 1986

¹⁶ Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

Mateyu 5:16 Iomraidhean Croise

Chituwa 34:35

ŵaYisraele ŵanguwona chisku chaku Mosese kuti khungu la chisku chaku Mosese linguŵala; ndipo Mosese waŵikanga so chivwinkhu pa chisku chake, mpake penipo wangusere kwachikamba nawo.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Yesaya 58:8

Po ndipo ukweru winu ukangwerukanga uli ndi matandakucha, ndipo kuchira kwinu kukazanga ruŵiruŵi; ukongorekwa winu ukamudanjiriyaninga, unkhankhu wa Ambuya ukaŵanga chivekeru cha kuvuli.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Mateyu 23:9

Ndipo mungamtamula yumoza wiskemwe panupasi cha: chifukwa yumoza ndiyo wiskemwe, yo wakuchanya.

Mateyu 5:45

alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

Mateyu 9:8

Kweni, yati yawona mizinda yo, yingopa, ndipo yingumkankhuska Chiuta yo wapaska nthazi yaviyo ku ŵanthu.

Luka 11:2

Ndipo wanguŵanene, “Penipo muromba, nenani, ‘Dada, Lipatulike zina linu, Uze ufumu winu.

Yohane 15:8

Mwaku chenichi akankhuskika Ada, pakuti mupasa vinandi; ndipo viyo muŵenge ŵasambizi ŵangu.

Machitidu gha Ŵakutumika 9:36

Ndipo mu Yopa mwenga msambizikazi yumoza, zina lake Tabita lo ling'anamuwa kuti Dorka: mweniyo munthukazi wenga wakuzara milimu yamampha ndi vyalisungu vyo wachitanga.

1 ŴaKorinte 14:25

vibisibisi vya mtima wake viwoneka pakweru; ndi viyo pakuŵa pasi kavunama wamlambiyenge Chiuta; ndi kunena kuŵanthu wose kuti nadidi Chiuta we mukati mwinu.

2 ŴaKorinte 9:13

Ŵeniwo ŵamkankhuskiya Chiuta mu karongoledu ka uteŵeti winu, chifukwa cha chithera cha chizomerezgu chinu ku evangeli waku Kristu, ndi chifukwa cha wanangwa wa mpasku winu wamasanga kwaku yiwo ndi kwaku wose;

ŴaGalatia 1:24

Ndipo yamkankhuskiyanga Chiuta mwaku ine.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

ŴaEfeso 5:8

chifukwa kali mwenga mu mdima, kweni sono mwe kungweruka mu Mbuya: yendani ulaka mbana ŵa kungweruka

1 ŴaTesalonika 2:12

kwenda kwakwenere chiuta, yo wakudaniyanimo mu ufumu ndi unkhankhu waku iyo mweneko.

1 Timote 2:10

kweni (chenicho chitenere ŵanthukazi wo ŵazomerezga uwopa Chiuta) ndi nchitu zamampha.

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

1 Timote 5:25

Kwakulingana nako kwe nchitu zeneko zo ziwoneke limu, ndipo nanga zambura kuwoneka zo kuti zingaziŵa kubisika cha.

1 Timote 6:18

kuti ŵachite umampha, kuti ŵasambasiye mu nchitu zeneko, kuti ŵaŵe ŵapusu kupaska kwawezi, ndi wanangwa pakusangana;

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Tito 2:7

mwaku vyose ŵakujirongo chandiru cha milimu yeneko; mu sambizgu lo, ŵakurongo uwurachivuzi, uziza,

Tito 3:14

Ndipo ŵidu nawo ŵasambire kutataliya ku mausiwa ghaufinyi nchitu yamampha, alinga kuti ŵangaŵanga ŵazirachipasi cha.

Tito 3:4

kweni penipo ungubulika ulemu ndi wanja-ŵanthu wa Mtaski widu Chiuta,

ŴaHebere 10:24

ndipo tipimirane kwachikhu ŵirizgiyana ku chanju ndi ku nchitu zamampha;

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Petro 3:1

Kwakulingana nako, mwaŵanthukazi, muŵe ŵakujithereske ku ŵarumi ŵaku mwija, alinga kuti, chingana ŵatafuliya mazu gho ŵanyake, chifukwa cha kajaridu ka ŵawoli ŵawo, ŵandulike kwambura mazu,

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

1 Petro 4:14

Asani mutozeka chifukwa cha zina laku Kristu, mwe ŵamwaŵi; pakuti Mzimu wa unkhankhu, Mzimu waku Chiuta wapumuliya pinu.