Mateyu 4:10 - Tonga Bible 1986

¹⁰ Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Mateyu 4:10 Iomraidhean Croise

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

Jobu 1:12

Ndipo Ambuya anguti kwaku Satana, “Wona, vinthu vyose vyo Jobu we navyo vye munthazi yako, kweni paku iyo mweneko ungaŵikangapo janja lako cha.” Viyo Satana wangutuwapo pa maso gha Ambuya.

Jobu 1:6

Ndipo linguŵapo zuŵa po ŵana ŵaku Chiuta ŵanguza kuzachijirongo pa maso gha Ambuya, ndipo Satana nayo wanguza mwaku wo.

Jobu 2:1

Panguŵa so zuŵa linyake po ŵana ŵaku Chiuta ŵanguza kujirongo pa maso gha Ambuya, ndipo Satana nayo wanguza mukati mwawo kuzachijirongo pa maso gha Ambuya.

Sumu 109:6

Tondoni munthu wankhaza weruzgi wakupindikana wangu, zomerani kuti yumoza wa ŵarwani ŵake ndiyo wamulange.

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.

Yesaya 30:22

Sono mukakazuzganga ŵangoza ŵinu ŵakusema ŵakuzgangika ndi siliva ndi ŵangoza ŵinu ŵakwenguwa ŵakuzgangika ndi golide. Mukaŵaparghang'anga nge ndi vinthu vyaukazuzi, mukakambanga kwaku wo kuti, “Rutaninga!”

Mateyu 16:23

Kweni wati wang'anamuka, wangumunene Petro, “Kanga kuvuli kwangu, Satana; ndiwe guŵisku kwaku ine chifukwa kuti we kuchiri kwaku Chiuta cha kweni ku ŵanthu.”

Marko 1:13

Wengamo mu bozwa lo mazuŵa machumi ghanayi, wakweseka ndi Satana; ndipo wenga pamoza ndi vikoku; ndipo ŵangelo ŵamumiriyanga.

Luka 10:18

Kweni wanguti kwaku wo, “Ndawonanga Satana yo kumbotoka ulaka ndi limphezi la kuchanya.

Luka 11:18

Ndipo asani Satana nayo wajigauwa mweneko, ufumu wake umenge uli? Pakuti mukamba kuti ine mwaku Belzebule ndiŵatuzgiya ŵademone.

Luka 13:16

Ndipo asi kungwenere kuti uyu, mwana munthukazi waku Abrahamu, mweniyo Satana wangumanga, alereni, virimika chumi pachanya vinkhonde ndi vitatu, wafwatulike ku chimangiru chenichi pa zuŵa la Sabata?”

Luka 22:3

Ndipo Satana wangusere mwaku Yuda, wakutamulika mKeriote, wakuŵa mu kupendeka kwa chumi ndi ŵaŵi wo.

Luka 22:31

“Simoni, Simoni, awona Satana yo wangujifumbiya imwe kwachimpepetani uli ndi trigu:

Luka 4:8

Ndipo wakwamuka Yesu wanguti kwaku iyo, “Kwalembeka, ‘Ulambiyenge Mbuya Chiuta wako, ndipo iyo pe yija umsopenge.’ ”

Yohane 13:27

Ndipo pavuli pa chinkhombe cho Satana wangusere mwaku iyo. Yesu wamnene, “Cho uchita chitanga ruŵi.”

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Machitidu gha Ŵakutumika 5:3

Kweni Petro wanguti, “Hananiya, chifukwa chine Satana wazaza mtima wako kuti upusike iwe Mzimu Wakupaturika ndi kuti ujibisiye cha ku mtengu wa charu cho?

1 ŴaKorinte 5:5

muperekeni waviyo kwaku Satana ku wanangiku wa liŵavu mpaka penipo warapa, alinga kuti wataske mzimu wake mu zuŵa la Ambuya Yesu.

1 ŴaKorinte 7:5

Mungakaniyananga cha, kweni iku asani mpha phanganu kwakanyengo kakuti, mungaziŵa kujipatuwa mwakuti mujipereke ku kuromba pavuli pake muŵe pamoza so, alinga kuti warekenge Satana yo kumwesani chifukwa cha uzirakujitintha winu.

2 ŴaKorinte 11:14

Ndipo kuti nchakuziziswa cha; chifukwa chingana ndi Satana nayo watijisanduska kuŵa mungelo wa ukweru.

2 ŴaKorinte 12:7

Ndipo chifukwa cha mtaruliro wa mauvumbuzi gho, mwakuti ndireke kujikwezge pachanya ndi kujikuzga, kungupaskika kwaku ine urwirwi wakupweteka mu liŵavu, nthumi yaku Satana yingundipuma, kuti ndireke kutumphulika ukongwa.

2 ŴaKorinte 2:11

mwakuti tireke kupundika ndi Satana yo; chifukwa tireka kuziŵa cha fuzi yake.

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

Yakobe 4:7

Viyo jithereskiyeni kwaku Chiuta: kweni mikiranani ndi diabolo yo, ndipo wathaŵenge imwe.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

1 Petro 5:9

Mikiranani nayo ndi kukhwima mu chivwanu chinu, pakuziŵa kuti vyakukomwa vyenivyo pe vifiskikiya mu ŵabali ŵinu ŵamu charu.

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”