Mateyu 3:7 - Tonga Bible 1986

⁷ Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Mateyu 3:7 Iomraidhean Croise

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Nthanthi 28:4

Ŵeniwo ŵasiya dangu ŵarumba ŵamphulupulu, kweni ŵeniwo ŵasunga dangu ŵalimbana nawo.

Yesaya 59:5

Ŵasukusa mazira gha khaku, ŵaruka mtatavu wa thandaudi; yo waturgha mazira ghawo watufwa, ndipo lo lasweka likonkhomo chipi.

Yeremiya 51:6

“Thaŵanimo mu Babiloni, munthu yose wataske umoyo wake! Rekani kudumulika mu kulanga kwake, pakuti iyi ndi nyengo ya thayu la Ambuya, thayu lo atimuchitiya.

Yeremiya 6:10

Njani yo ndikakambanga nayo ndi kumuncheŵeska, alinga kuti ŵavwenge. Ehe, makutu ghawo ghakujara, ŵatondeka kutegherezga; ehe, mazu gha Ambuya kwaku iwo nchinthu chakutozeka, kuti ŵatighakhumba cha.

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

Mateyu 12:34

Mphapu za vipiriŵiza, mwa ŵakuŵa ŵaheni mungaziŵa uli kurongoro vyamampha? Chifukwa kutuwa ku ufurwi wa mtima mlomo urongoro.

Mateyu 15:12

Sono ŵasambizi ŵangumziya, ndipo ŵanguti kwaku iyo, “Kumbi muziŵa kuti ŵaFarisi, ŵanguti, ŵavwa mazu gho, ŵanguguŵiskika?”

Mateyu 16:1

Ndipo ŵanguza ŵaFarisi ndi ŵaSaduki, ndipo pakumwesa ŵangufumba kuŵarongo chisimikizgu chakutuwa kuchanya.

Mateyu 16:6

Ndipo Yesu wanguŵanene, “Cheŵani ndi chenjeni pa mtupu wa ŵaFarisi ndi ŵaSaduki.”

Mateyu 22:15

Penipo ŵaFarisi ŵanguruta ndipo ŵangupangana upu, mo ŵangamkole mu mazu.

Mateyu 22:23

Pa zuŵa lenilo pe ŵangumziya ŵaSaduki wo ŵatiti, Chiyuka kulive: ndipo ŵangumfumba,

Mateyu 22:34

ŴaFarisi, ŵati ŵavwa kuti waŵachetamiska ŵaSaduki, ŵanguwungana pamoza.

Mateyu 23:33

Mwazinjoka, mphapu ya vipiriŵiza, mungathaŵa uli cheruzgu cha Gehena?

Mateyu 5:20

Chifukwa ndikuneniyani, kuti, kwambura kuti urunji winu ungaruska wo wa ŵalembi ndi ŵaFarisi, kuti mwamsere mu ufumu wo wa kuchanya cha.

Marko 12:13

Ndipo ŵangutumiya ŵanyake ŵa ŵaFarisi ndi ŵa ŵaHerode alinga kuti ŵamko mu kurongoro.

Marko 12:18

Ndipo ŵanguza ŵaSaduki, ŵeniwo ŵakamba kuti chiyuka kulive; ŵangumfumba, ŵakuti,

Marko 8:15

Ndipo wanguŵalanguliya wakuti, “Cheŵani ndi mtupu wa ŵaFarisi ndi mtupu waku Jerode.”

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

Luka 18:11

Yo mu Farisi wakusoka warombanga viyo kwaku yija, ‘A Chiuta, ndiwonga imwe, kuti nde nge mbakujapo ŵa ŵanthu cha, ŵalikwanukwanu, ŵamburu urunji, ŵarowozi, pamwenga napo nge ndi mwenuyu wamsonkho.

Luka 7:30

Kweni ŵaFarisi ndi ŵamarangu ŵangujikaniya khumbu laku Chiuta, pakuŵavi kubatizika ndi iyo.

Yohane 1:24

Ndipo ŵakutumika wo ŵenga ŵamu ŵaFarisi.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Yohane 9:40

Wamu ŵaFarisi wo ŵanguŵanayo pamoza ŵati ŵavwa yagha ŵangumufumba, “Kumbi ifwe nafwe te ŵachiburumutiya?”

Machitidu gha Ŵakutumika 15:5

Kweni ŵanyake ŵamu pambuku la ŵaFarisi, wo ŵanguvwana, ŵangusoka, ŵakuti, “Kutenere ku ŵachinja, ndi kuŵalanguliya kusunga chilangulu chaku Mosese.”

Machitidu gha Ŵakutumika 20:31

Chifukwa chenichi khazgani imwe, mwaŵakukumbuka kuti virimika vitatu, usiku ndi msana, kuti ndingureka cha ndi masozi kukuchenjezgani munthu yose.

Machitidu gha Ŵakutumika 26:5

pakundiziŵiya limu chituliyi pa mtendeku, asani akhumba kusimika, kuti kwakuyana ndi pambuku larwana la kasopedu kidu ndinguŵa muFarisi.

Machitidu gha Ŵakutumika 5:17

Kweni wangusoka mzukuru mura ndi wose ŵa pamoza nayo (pakuŵa mphambuku wa ŵaSaduki), ndipo wanguzazika bina,

ŴaRoma 1:18

Chifukwa kandundu kaku Chiuta kavumbulika kutuwa kuchanya paku wose ŵanthu ŵambura kuziŵa Chiuta, ndi ŵalakwi; ŵeniwo ŵamika uneneska ndi ulakwi wawo;

ŴaRoma 5:9

Ukongwa viŵi, tati tarunjiskikiya sono mu ndopa zake, titaskikenge ku kandundu ko ndi iyo.

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

ŴaHebere 11:7

Ndi chivwanu Nowa, wati wachenjezgeka ndi vinthu vyo vyenga vindawoneke, kwa uwopa Chiuta wangarongoso ngaraŵa kwachitaska ŵamu nyumba yake; mwaku chenicho wanguchisuska charu, ndipo wanguŵa muhara wamu urunji wa chivwanu.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.