Mateyu 26:41 - Tonga Bible 1986

⁴¹ Khazgani, ndi rombani, alinga mureke kusere mu kusedu, mzimu nadi ngwakukhumba kuromba, kweni liŵavu ndakutomboroka.”

Mateyu 26:41 Iomraidhean Croise

Sumu 119:1

Ŵakutumbikika ndi ŵeniwo ŵalivi kalema mu nthowa yawo, wo ŵatenda mu dangu la Ambuya.

Sumu 119:115

Tuwaniko kwangu, mose mwaŵakuchita utimbanizi, mwakuti ndisungenge malangulu ghaku Chiuta wangu.

Sumu 119:117

Ndichirikiriyeni, alinga kuti ndiŵe wakudekha, ndipo ndidaŵirenge vyakukombo vinu mazuŵa ghose.

Sumu 119:32

Ndivwiyenge malangulu ghinu ndi mwamphu wose, chifukwa mukandipaskanga kuwamo kukuru.

Mateyu 24:42

Viyo khazgani: pakuti mulive kuziŵa zuŵa mwaku lenilo Ambuyamwe ŵaziyenge.

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Mateyu 26:38

Sono wanguti kwaku wo, “Mzimu wangu ngwalisungu ukongwa mpaka ku nyifwa; tandarani panu, cherezgani pamoza nane.”

Mateyu 6:13

Ndipo mungatitole mu kesedu kweni titaskeni ku mheni yo.

Marko 14:38

Cherezgani ndi rombani mwakuti mureke kusere mu kesedu; mzimu nadi ngwakukhumba kuromba, kweni liŵavu ndakutomboroka.”

Luka 11:4

Ndipo tirekiyeni vilakwa vidu, chifukwa taŵeni nafwe tiŵareke ŵakutewuwa kwaku ifwe. Ndipo mungatitole mu kesedu.’ ”

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Luka 22:40

Ndipo wanguti waza pa malo, wanguti kwaku iwo, “Rombani kuti mungasere cha mu kusedu.”

Luka 22:46

ndipo wanguŵanene, “Chifukwa chine mura tulo? Yukani, rombani, alinga kuti mungasere mu kesedu cha.”

Luka 8:13

Ndipo zo zapa jarawe ndi wo penipo ŵavwa ŵaronde mazu ndi chimwemwe; ndipo ŵeniwo ŵalive nkhorozo, wo kwa kanyengo ŵavwana, ndi mu nyengo ya kesedu ŵadezukako.

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

1 ŴaKorinte 9:27

kweni ndijenyeska liŵavu langu, ndipo nditirithereska: vinu, ndati ndamemeze ŵanyake, ndamweni ndingaŵa wakupatika.

ŴaGalatia 5:24

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.