Mateyu 26:13 - Tonga Bible 1986

¹³ Nadidi ndikuneniyani, kose ko evangeli uwu umemezekenge mu charu chose, chenicho nacho mwenuyu wachita, chikakambikanga nge nchikumbusku chake.”

Mateyu 26:13 Iomraidhean Croise

Sumu 112:6

Munthu wamampha kuti wakatondekanga cha, ndipo kuti wakaruwikanga cha muyaya.

Yesaya 52:9

Tuliyani pamoza ndi kumba, mwa malo gha uyiku gha Yerusalemu; pakuti Ambuya asangaruska ŵanthu ŵawo, ŵawombo Yerusalemu.

Mateyu 24:14

Ndipo evangeli wenuwu wa ufumu umemezekenge mu charu chose chapasi uli mbukaboni ku mitundu yose; pavuli ndipo ukazanga umari wo.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Marko 13:10

Ndipo mu mitundu yose kutenere danga kumemezeka evangeli, wo.

Marko 14:9

Ndipo ndikuneneskiyani, kweniko kose limemezekenge evangeli mu charu chose, ichi nacho cho wachita uyu, chikataulikanga, uli nchikumbusku chaku cho wachita.”

Marko 16:15

Ndipo wanguŵanene, “Kaninga mu charu chose; ndipo memezani evangeli ku ulengi wose.

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Machitidu gha Ŵakutumika 10:4

Ndipo iyo, pakumlereska dodoli, ndi pakuŵa wachitenthe, wanguti, “Nchine, Ambuya?” Ndipo wangumunene, “Maniniziku ghako ndi vyalisungu vyako vyakwera uli nchikumbusku paurongo paku Chiuta.

ŴaRoma 10:18

Kweni ndititi, asi ŵanguvwa? Inyadi, “Mazu ghawo ghanguwanda mu charu chose, ndi manenedu ghawo ku vigoti vya panupasi.”

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,

2 ŴaKorinte 10:18

Chifukwa yo ngwakujirumba yija kuti warumbika cha, kweni munthu yo warumbika ndi Ambuya ndiyo.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,

1 Timote 2:6

Yo wangujipereka thumba lapa chifwa chaku wose: chinthu chakusimikizgika pa nyengo zake,

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

Chivumbuzi 14:6

Ndinguwona mungelo munyake wakuwuluka mude mukati, wakuŵa ndi evangeli wamuyaya kwachitauliya ŵakuja pa charu chapasi, ndi ku mtundu wose ndi fuku ndi karongororedu ndi khamu:

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.