Mateyu 26:10 - Tonga Bible 1986

¹⁰ Kweni Yesu wakuwamo wanguŵanene, “Mutumsuzgiyanji munthukazi? Wandichitiya mlimu wamampha.

Mateyu 26:10 Iomraidhean Croise

Nehemiya 2:18

Ndipo ndinguŵanene gha janja laku Chiuta wangu lo lenga pamoza nane kutichitiya vyamampha, ndi so mazu gha karonga gho wangundiŵereŵete. Ndipo iwo ŵanguti, “Tiyeni tipamphuke tizenge.” Viyo ŵangulimbiska manja ghawo, pa mlimu uwu wamampha.

Jobu 13:7

Kumbi mukakambiyanga Chiuta kwautesi, ndi kurongorore kwakupusika?

Mateyu 26:11

Chifukwa nyengo zose mwe nawo ŵakavu pamoza namwe; kweni kuti mwe ndi ine nyengo zose cha.

Mateyu 26:9

Chifukwa muro lo linguziŵa kusaskika ndrama zinandi, ndi kupaskika ku ŵakavu.”

Marko 14:6

Kweni Yesu wanguti, “Mlekeni; mumsuzgiyanji? Wandichitiya mlimu weneko.

Luka 8:49

Wacharongoro iyo, watuza yumoza wa kwaku yo mura wa sinagoge, wakuti, “Wafwa mwanamunthukazi wako; ungamusuzganga cha Msambizgi.”

2 ŴaKorinte 9:8

Ndipo Chiuta ngwanthazi kumfurwiskiyani vitumbiku vyose alinga kuti pakukoroka nyengo zose mu chinthu chose, mufurwiyenge ku mlimu wose wamampha.

ŴaGalatia 1:7

ndi kuti murata ku evangeli munyake; ndikweni kuti ngunyake cha: kweni ŵanyake ŵalipo wo ŵatumkweŵeskani, ndipo ŵakhumba kupepetuwa evangeli waku Kristu.

ŴaGalatia 5:12

Mphanyi kuti wo ŵati kutimbanizgani ŵangajitemuwako ndipo.

ŴaGalatia 6:17

Kutuwa ku sono wareke munthu kundijarizga: chifukwa ine ndipinga mu liŵavu langu simbu zaku Yesu.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

2 ŴaTesalonika 2:17

wasangaruske mitima yinu ndi wayikhozge mu mlimu wose wamampha ndi mu mazu.

1 Timote 3:1

Ndamagomekezgeka nenedu lo: Asani yumoza walembe ura wa mpingu, wakhumbira mlimu weneko.

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

2 Timote 2:21

Viyo asani munthu wangajiphoto kwaku vyenivi, waŵenge chiyaŵi cha ku ulemu, chakupaturika, chakwanduliya, ku mweneko, chakurongosoleke nchitu yose yamampha.

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Tito 3:1

Ŵakumbuske kujithereske ku ŵara, ku mitufu, kuvwiya ŵeruzgi, kuŵa ŵakufongosoleke nchitu yose yamampha,

Tito 3:14

Ndipo ŵidu nawo ŵasambire kutataliya ku mausiwa ghaufinyi nchitu yamampha, alinga kuti ŵangaŵanga ŵazirachipasi cha.

Tito 3:8

Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu:

ŴaHebere 13:21

wakongoreske imwe ku mlimu wose wamampha, kwachichita khumbu lake, ndi watataliye mwaku imwe cho nchakukondweska paurongo pake, mwakuYesu Kristu; kwaku mweniyo kuŵiyenge unkhankhu muyaya-muyaya, Ameni.

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.