Mateyu 22:13 - Tonga Bible 1986

¹³ Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’

Mateyu 22:13 Iomraidhean Croise

Mateyu 8:12

kweni ŵana ŵa ufumu ŵapong'ekenge ku mdima wakubwaro: kweniko kuŵenge chitenje ndi mkukutu wa minyu.”

Mateyu 25:30

Ndipo muŵanda yo mzira-upiripiri mtayeni ku mdima wakubwaro: ko kuŵenge kuliya ndi mkukutu wa minyu.’

2 Petro 2:17

Yaŵa ŵe visima vizira maji, nyankhuŵinda wakuputiskika ndi chimphunga; mbanthu kwaku ŵeniwo ŵasungirizgikiya koyoyu wa mdima.

2 Petro 2:4

Chifukwa asani Chiuta wengavi kulekerezga ŵangelo wo ŵangulakwa, kweni, pakuŵatayiya ku Gehena kumagoŵa gha munkhorwi, wanguŵakombole kusungirizgikiya ku cheruzgu,

2 ŴaTesalonika 1:9

Aŵa wose ŵakalangikanga ndi phasulu lamuyaya lakutuliya ku chisku cha Ambuya ndi ku unkhankhu wa nthazi zake,

Luka 13:28

Eko kuŵenge chilirizi ndi kukekechuwa kwa minyu, penipo mwamuwona Abrahamu, ndi Yisaki, ndi Yakobe, ndi ŵamchimi wose, mu ufumu waku Chiuta, kweni imwe kupong'eka kubwaro.

Mateyu 24:51

Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.

Mateyu 13:50

ndipo ŵaŵapong'enge ku ng'anjo ya moto; kweniko kuŵenge kuliya ndi kukukuta kwa minyu.

Mateyu 13:42

ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu.

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.

Yuda 1:13

mayigha ghakari gha nyanja, ghenigho ghamokoka phovu la soni zawo; nyenyezi zakurandiyarandiya, kwaku zenizo wasungikiya munkhorwe wa mdima muyaya.

Yuda 1:6

Ŵangelo nawo so viyo ŵeniwo ŵengavi kusunga ura waku ŵija, ŵangureka ujazi wapa mtima wawo, ŵaŵasunga mu magoŵa ghamuyaya pasi pa munkhorwe ku chisusa cha zuŵa likuru.

Machitidu gha Ŵakutumika 7:54

Ndipo pakuvwa vyenivi ŵangulasika ku mitima yawo,

Mateyu 13:30

Virekeni vyose viŵi vikuliye pamoza mpaka chivuna: ndipo mu nyengo ya kuvuna ndiŵaneniyenge ŵakuvuna, Unjikani danga maduru, ghamangeni nchindanchinda kwachighocha: kweni trigu yo rongani mu nkhokwe yangu.’”

Mateyu 12:29

Pamwenga munthu wangaziŵa uli kusere mu nyumba ya wanthazi, ndi kuskoŵa vyuma vyake, kwambura kuti wadanga chamanga munthu wanthazi yo? Penipo ndipo waskoŵenge nyumba yake.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Sumu 112:10

Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

Sumu 37:12

Muheni wachitiya chiŵembu wakurunjika, ndi kumukukutiya minyu ghake;

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

Yohane 21:18

Nadidi ndikuneneske, Penipo wenga wampupuka, wajichinyiriyanga wija, ndipo wendayendanga ko wakhumbanga; kweni utakuti wakota, ukatambasuwanga manja ghako, ndipo munyake wakaghanaghananga, ndipo wamkukutole kweniko iwe ulive kukhumba.”

Danyele 3:20

Ndipo wangulanguliya ŵanthu ŵanyake ŵanthazi ŵa ŵankhondo ŵake, kumanga Shadreke, Mesheke, ndi Abedenego ndi kuŵapong'a mu ng'anjo yakukole moto.